Matthew 22

1E Yesu loko lembe man eyero igi kendo ku lembabola, ewacu kumae, 2Ker m’i polo pore kud ubimo moko, m’utimo agba mir ambadha ni wode, 3m’uoro jumiru pare ulwong’ ju ma juwaku ni kwend ambadha: e gikwero bino. 4Eoro jurniru mange kendo, ewacu kumae, Yer ni ju ma juwakugi kumae, Nen, ayiko cemo para; koni dhiang’ para ku lim para m’ucwe de junego, gin ceke de bedo ayika: wubin bang’ agba mir ambadha. 5Ento gidwoko lembene ni tara, gicidho de i yo migi, acel ba podho pare, mange kuloka pare; 6ju m’udong’ ke gimaku jumiru pare, man gitimogi rac, ginegogi de. 7Ento kwinyo maku ubimo; man eoro njuru asikari pare, ninyotho junek nino, ewang’u adhura rnigi de. 8Elund ewacu ni jumiru pare kumae, Ambadha bedo ayika, ento ju ma juwakugi giromo ngo. 9Ka kumeno wucidh i akarayo, dhanu ceke de ma wubinwang’u wulwong’gi i agba mir ambadha. 10Jumiru nino gicidho i gengi, gicoko dhanu ceke karacelo ma ginwang’u ju ma pigi rac ku ju ma pigi ber bende: e ambadha dhir ku ju ma julwong’o. 11Ento kan ubimo mondo nineno ju ma julwong’ogi, eneno ng’atu acel keca m’ukendo kendi mir ambadha ngo: 12man ewacu ire kumae, Jarimo, imondo kakeni nenedi m’ikendo kendi mir ambadha ngo e? E dhoge tal kau. 13Ubimo lund uwacu ni jumiru kumae, Wutwi cinge ku tiende, man wubaye i mudho ma woko; ywak ku kayu lak de bibedo nuti. 14Kum julwong’o dhanu dupa, ento dhanu ma nyanok re ma jugoyo nying’gi. 15Jufarisayo gilund gicidho, man giporo lembe maram gicopo make ko kud uwic kum wec pare. 16Gioro julub migi de i bang’e, Juherodiano, giwacu kumae, Japonji, wang’eyo nia in i ng’atu mandha, man iponjo yo pa Mungu i lemandha, man iparu pi ng’atu moko de ngo: kum ineno dhanu ni wang’gi ngo. 17Ka kumeno wac iwa, Iwacu nyo ang’o? Cik uyio ya jumi ajok ni Kaisari, kadi ungo? 18Ento Yesu ng’eyo dubo migi, man ewacu kumae, Nedi wumulo ia, wu weg ambili? 19Wunyuth ira sente mir ajok. E gikelo ire denarius acel. 20E ewacu igi kumae, Ayi maeni en e pa ng’a ku ramblembe de? 21Giwacu ire kumae, Pa Kaisari. Elund ewacu igi kumae, Ka kumeno wumi ni Kaisari gin pa Kaisari; ni Mungu de gin ma pa Mungu. 22E ka giwinjo maeni, igi wang’ lii, man giweke, gicidho. 23Ceng’ nica nwang’u Jusadukayo gibino i bang’e gi ju ma wacu ya cer umbe: man gipenje, 24giwacu kumae, Japonji, Musa wacu kumae, Tek ng’atu acel utho, ma nyithindho pare mbe, umin mire bigamu dhaku pare, man ebinyayu kodhi ni umin. 25Nwang’u umego abiro nuti kudwa: ma kwong’ane gamu dhaku, man etho, man kum kodhi mbe eweko cege ni umin mire; 26mir arionde de kumeca, ku mir adege, cil kum mir abirone de. 27Yo ng’eigi ceke de, dhaku tho. 28Ka kumeno i cer ebidong’ bedo ci ng’a ku kind juabiro? kum kagi ceke gibedo kude. 29Ento Yesu loko lembe ewacu igi kumae, Wukier, ma wung’eyo ko lembagora pa Mungu ngo, kadok tego pa Mungu de ngo. 30Kum i cer gibigambri ngo, kadi jurnio de ngo ya jugam, ento gibedo calu malaika m’i polo. 31Ento pi cer mi ju m’utho, fodi wusomo maeno ngo ma Mungu yero iwu, m’ewacu kumae, 32An a Mungu pa Ibrahim, Mungu pa Isak de, man Mungu pa Yakobo? Mungu en e Mungu mi ju m’utho ngo, endre mi ju ma kwo. 33E kan udul dhanu giwinjo maeni, igi wang’ lii kum ponji pare. 34Ento Jufarisayo, ka giwinjo nia eketho Jusadukayo giling’, gicokri karacelo gigi. 35E ng’atu acel m’i kindgi, ma en e jaeuthecik, epenje ku penji, emulo ko ie kumae: 36Japonji, lembang’ola makani ma dit i ciki? 37Man ewacu ire kumae, Mar Rwoth Mungu peri kud adundeni ceke, ku ng’eyong’ec de ceke, man ku pidoii ceke. 38Maeni en e lembang’ola ma dwong’ ku ma kwong’a de. 39Man mir arionde ma calkude e eni, Mar wedu calu in giri. 40Wi lembang’ola ario maeni cik kpo, ku jubila de lwobre i kume. 41Nie ka Jufarisayo gicokri karacelo, Yesu penjogi ku penji, 42ewacu kumae, Iwu pido nik ang’o pi Kristu? e wod ng’a? Giwacu ire kumae, E wod Daudi. 43Ewacu igi kumae, Ka kumeno nedi Daudi lwong’e Rwoth i Tipo, m’ewacu kumae, 44Rwoth uwacu ni Rwoth para, Jany yo ku cinga ma yor acwic, Maram aketh ko jukwoji the tiendi? 45Ka kumeno tek Daudi lwong’e Rwoth, e kan edong’ ebedo wode nenedi? 46E ng’atu moko mbe ma copo dwoko wang’ lembe ire, kadok ng’atu moko ma cwinye tek kum penje ku penji moko mange de mbe ugambre i ceng’ maeca.

will be added

X\