Matthew 14

1I nindo maeno Herode ma jabim uwinjo pi Yesu, 2man ewacu ni jutic pare kumae, Meni Yohana ma Jabaputisi; ecer kud i kind ju m’utho; kum kumeno tego maeni betimbre i ie. 3Kum Herode maku Yohana, etwie de, man ekethe i odkol pi Herodias, ma ci umin mire ma Filipo. 4Kum Yohana wacu ire kumae, Cik uyio ngo iri ya ibed kude. 5Man kan eyenyo enege, elworo udul dhanu, kum gikwane calu jabila. 6Ento ka ceng’ ma yang’ junyolo ie Herode tundo, Nyaherodias urniel i kindgi, enyayu mutoro de i Herode. 7Ketho eng’olo ku kwong’ ya ebimio ire gin ceke ma tek ebikwayu. 8E en, ma min ucung’o lembe i ie, ewacu kumae, Mi ira wi Yohana ma Jabaputisi kuni i atangala. 9E can umaku ubimo; ento kum kwong’ m’ekwong’o, kum ju ma gibedo dhu cam gikugi de, eng’olo nia jumie; 10man eoro jucijuthumo wi Yohana i odkol. 11Wiene jukelo i atangala, jumio de ni nyaku: en ke etere ba rnin. 12Julubne de gibino, giting’o avuje, giyike; gici giwacu ni Yesu. 13Nie ka Yesu winjo maeni, eai ku kakeca ku yei, ecidho cen ka ma ngele: e kan udul dhanu winjo lembene, giai ku i adhura gilubo toke ku tiendgi. 14E eai woko, eneno udul dhanu de ma dit, man ngisi nege i kumgi, e ekeyo kum weg tho migi. 15E kan uthieno wok julub gibino i bang’e, giwacu kumae, Kakeni ng’om ngele, nindo de daru kadhu: dong’ ilal udul dhanu, kara gicidh i pacu, ging’ieu cam igi. 16Ento Yesu wacu igi kumae, Can cidho kamange negogi ngo; wumi igi cam. 17Giwacu ire de kumae, Wabedo ku lungu kwen abic kende kakeni, ku rec ario. 18Man ewacu kumae, Kelgi kuni i bang’a. 19E eng’olo ya udul dhanu gibed piny wi lum; man egamu lungu kwen abic, ku rec ario, eng’ayu wang’e de malu i polo, emio mugisa man eng’weko emio lungu kwen de ba julub, julub ke ni udul dhanu. 20E kagi ceke gicamu, giyeng’ de: man gicoko dong’ kwen m’ang’weka, upong’o katoko apar wi ario. 21Man dhanu ma gicamu jumaco gi ve rubanga abic, ku mon man nyithindho bende. 22E aruca ruca ecwalu julub ya giidh i yei, gici de lokaca i wang’e, kan edong’ elalu udul dhanu. 23Ku yo ng’ei lalu udul dhanu, eidho wi got ka nge nirwo: e ka piny udoko uthieno, ebedo kakeca e kende. 24Ento yei re wok i die nam, m’ebesendre ku mukura; kum yamu ai yor i wang’gi. 25I kur mir ang’wende mi diewor ebino i bang’gi, m’ebewotho ku wi nam. 26Man ka julub ginene m’ebewotho ku wi nam, cwinygi ng’abre, giwacu kumae, En e tipo; man gikok akoka ni lworo. 27Ento aruca ruca Yesu weco i bang’gi, ewacu kumae, Cwinywu bed tek; meni an; lworo kud unegwu. 28E Petro loko lembe ire ewacu kumae, Rwoth, tek en e in, wac ira abin i beng’i ku wi pi. 29Man ewacu kumae, Bin. E Petro gam uloro piny kud i yei, man ewotho ku wi pi ebino ko ba Yesu. 30Ento kan eneno yamu, lworo make; e kan emaku mwony ekok, ewacu kumae, Rwoth, lara do. 31E ndhu ndhu Yesu rieyo cinge, man emake, ewacu ire kumae, E in ma yioyic peri nok, cwinyi bedo jiji nedi? 32E ka giidho malu i yei, yamu cungo. 33Man ju ma gini i yei girwo ire, giwacu kumae, In i Wod Mungu andha. 34E ka gikadhu lokaca, gitundo dhu wath, ba Genesareti. 35E ka dhanu ma kakeca ging’eye, gioro lembe i ng’om maeni ceke mba mba, man gikelo dhanu ma weg tho ndri i bang’e; 36man gikwaye ya gimul dhu kendi pare kende ci: e dhanu ceke m’umulo kumgi kei.

will be added

X\