Mark 7

1E Jufarisayo, ku jumoko ma kind jugorcik ma giai Yerusalem, gicokri i bang’e, 2ma gineno nia julubne moko camu kwen migi ku cing’gi ma ie ju cilo, thelembene, cing’gi ma aloga ngo. 3(Kum Jufarisayo, ku Juyahudi ceke, tek gilogo cing’gi mii ngo, gicamu ngo, ma giworo ko lemkei mi judongo: 4e ka giai i katali, tek gijom ungo, gicamu ngo; ku gin mange de dupa, ma gijolo ya giwor, lwoko kikombe, kud agulu, kud agulu mi mola.) 5Jufarisayo ku jugorcik de gipenje kumae, Nedi julubni giwotho calku lemkei mi judongo ngo, ento gicamu kwen migi ku cilo i cing’gi? 6Ewacu igi kumae, Isaya yang’ uewo piwu dre wu weg ambili, calu jugoro kumae, Dhanu maeni giyunga ku dendhoggi, Ento adundegi bor kuda. 7Ento girwo ira mananu, Ma giponjo cik mi dhanu ni ponji migi. 8Wuweko lembang’ola pa Mungu, wudong’ wubani wi lemkei mi dhanu. 9Man ewacu igi kumae, Dre no yo, wukwero cik pa Mungu, kara wuwor lemkei mu. 10Kum Musa wacu kumae, Yung wuru ku meru; man, ng’atu m’uyero rac kum won kadi min, wek etho athoa: 11ento wun wuwacu kumae, Tek ng’atu moko biyero ni won kadi min kumae, Gin ma nwang’u ande acopi ko en e Korbani, thelembene, jumio ni Mungu; 12wuyio ngo nia ng’atuno tim gin moko kendo ni won kadi min; 13wuranju lembe pa Mungu ku lemkei mu, ma wuketho: man wutimo gin mange de dupa ma kumeno. 14Man elwong’o udul dhanu kendo i bang’e, ewacu igi kumae, Kewu ceke wuwinj lem para, wung’ei de: 15gin moko mbe ma yo woko ba dhanu, ma tek umondo i ie copo cide; ento gin ma ai yor i dhanu e ma cido i dhanu. 16Ng’atu moko ma ithe nuti m’ewinjo ko, wek ewinji. 17Kan eweko udul dhanu emondo i ot, julubne gipenje kum the lembabola nini. 18Ewacu igi kumae, Wun bende ng’eyong’ec umbe kudu kumeno? Wung’eyo ngo, nia gin ma yo woko ma mondo i dhanu, copo cide ngo; 19kum emondo i adunde ngo ento i cinoie, ewok woko de i odbari? Maeni ewacu, ma dwoko cemo ceke leng’. 20Man ewacu kumae, Gin ma ai i dhanu, e ma cido dhanu. 21Kum kud i ic, ku i adunde dhanu, pidoic ma rac wok, tarwang’, ku kwalukwo, ku negonek, ku gieri, 22ku ketho cwiny hai kum piny, ku camuco, kud abombi, kud awanya ma rac, ku wang’ ma rac, ku cayucac, kud ahaye, man lemkasegu: 23gin ma rac maeni ceke ai kud i ic, e ma cido dhanu. 24Eai ku keca, man ecidho i kieu mi Turo ku Sidon. Emondo de i ot, eyenyo ngo ya ng’atu moko ng’ei maeni; ere ecopo pondo ngo. 25Ento ndhu ndhu nica dhaku, ma nyathi nyare won tipo m’ucido, kan ewinjo pire, ebino epodho the tiende. 26Nwang’u dhakune Dhayunani, ma Surufenisa. E ekwaye nia ewodh pajogi kud i nyare. 27Ewacu ire kumae, Wek nyithindho gilar giyeng’: kum emaku piny ungo ya jugam kwen mi nyithindho jubole ni gwogi. 28Ento eloko lembe ewacu ire kumae, Eyo, Rwoth; cil gwogi ma the mesa de gicamu kum ng’ili kwen mi nyithindho. 29Ewacu ire kumae, Kum lembe maeni cidhi; pajogi daru wok kud i nyeri. 30E edok i ot pare, enwang’u jupielo nyathin wi kavuto, pajogi de daru wok. 31Eai kendo kud i kieu mi Turo, ekadhu ku i Sidon cil ku dhu nam mi Galilaya, ku kind kieu mi Dekapoli. 32Man gikelo ng’atu ma ithe dhing’ i bang’e, ma jaragwong’o de; e gikwaye eketh cinge i kume. 33Ecoro kude cen nyalwe ku kmd udul dhanu, eroyo lwete de i ithe, man eng’ulo lau, emulo ko lebe; 34eng’ayu wang’e de malu i polo, egamu cwinye, man ewacu ire kumae, Efatha, thelembene kumae, Yebri. 35E ithe yabre, twic mi lebe de gonjre, man eweco terere. 36Eng’olo igi ya ku giyer ni ng’atu moko: ento ku ba ng’olo m’eng’olo ko igi hai, e girweyo lembene hai m’usagu. 37E igi wang’ lii apila, giwacu kumae, Etimo gin ceke ber; eketho ju ma ithgi dhing’ giwinjo, man ajuba de giweco.

will be added

X\