Mark 1

1Thangambere mi lembanyong’a ma juboth ko pa Yesu Kristu, ma Wod Mungu. 2Cil calu egore i Isaya ma jabila kumae, Nen, aoro jakwenda para i weng’i, Ma biyiko yo peri; 3Dwand ng’atu m’ubekok akoka i yamba kumae, Wuyik yo pa Rwoth, Wutir yo pare; 4Yohana bino, m’umio baputisi i yamba man eyero pi baputisi mi lokocwiny mi wekodubo. 5Ng’ommiYahudi ngung’ gicidho i bang’e, ku ju ma Yerusalem ceke; man emio igi baputisi i kulo Yordan, ma gituco ko dubo migi. 6Yohana kendo kendi mi yuk ngamia, ku foto mir adila i piere, man ebedecamu bonyo ku kic m’i thim. 7Man eyero, ewacu kumae, Ng’atu m’ubino i ng’eya e tek ma saga, ma an aromo ngo ya agung’ agony wara pare. 8Amio baputisi iwu i pi; ento en re ebimio baputisi iwu i Tipo Maleng’. 9Man etimbre i ceng’ maeno, nia Yesu ai Nazareti mi Galilaya, e Yohana mio ire baputisi i Yordan. 10E ndhu ndhu nica kinde m’eai kud i pi, eneno polo kak dra, man Tipo ma calu akuru beloro i wie: 11e dwal uai kud i polo kumae, In i Woda ma jamerna, ma mutoro nega i kumi. 12E aruca ruca nica Tipo cwale i yamba. 13Ebedo i yamba ceng’ pier ang’wen ma Jok ubedubidhe ko; man ebedo karacelo ku yedi m’i thim; e malaika gitimo ire. 14Nie yo ng’ei maku Yohana, Yesu bino Galilaya, m’ebeyero lembanyong’a pa Mungu ma juboth ko, 15ewacu kumae, Nindo timbre kakare, ker pa Mungu de ni ceng’ni: wulok cwinywu, wuyi lembanyong’a ma juboth ko. 16Nie kan eberobo nam mi Galilaya, eneno Simon gikud Andrea m’umin Simon ma gibebolo voi i nam; kum gi junam. 17Yesu wacu igi kumae, Wubin wulub ng’eya, man abidwokowu ni junam mi dhanu. 18E ndhu ndhu nica giweko voi migi, gilubo ng’eye. 19Man ecidho nyangba, e eneno Yakobo ma wod Zebedayo, man Yohana m’umin mire, gin de gini i yei gibeyiko voi. 20E ndhu ndhu nica elwong’ogi: e giweko weggi ma Zebedayo dong’ i yei ku jutic mi sukulia, man gilubo ng’eye. 21Gicidho de i Kapernaum; e aruca ruca nica i ceng’ sabatu emondo i kacokri eponjo de. 22E igi wang’ lii kum ponji pare: kum eponjogi calu ebedo ku ng’ol, calu jugorcik de ngo. 23E ndhu ndhu nica jalacel nuti i kacokri migi ma won tipo m’ucido; ekok akoka, 24ewacu kumae, Lembe mwa ang’o wakudu, in i Yesu ma Janazareti? ibino ninyothowa? ang’ei in i ng’adi, ma Ng’atu Maleng’ pa Mungu. 25Yesu juke, ewacu kumae, Bed ling’, ai woko kud i ie. 26E tipo m’ucido, kan ekaku ie ekok de ku dwande ma tek, eai woko kud i ie. 27E kagi ceke igi wang’ lii, ketho gipenjri gigi, giwacu kumae, Maeni ang’o? ponji ma nyen! ku ng’ol ejuko cil tipo m’ucido, e giwore. 28E ndhu ndhu nica pire yik mba mba i ng’om Galilaya ceke. 29E eni eni, ka giai kud i kacokri, gibino i ot pa Simon gikud Andrea, ku Yakobo man Yohana. 30Nwang’u dhamaru Simon uvuto ku tho ma cego kum; e pio pio giyero pire ire: 31man ebino, eting’e malu ku cinge; e kume m’ucek uweke, en de etimo igi. 32Kud uthieno, ka ceng’ upodho, gikelo ju ma kumgi lith ceke i bang’e, ku weg pajogi bende. 33Dhanu ceke ma i adhura de gicokri karacelo dhugola. 34E ekeyo kum dhanu dupa ma thoje tung’ tung’, ewodho pajogi de dupa; eyio ngo ya pajogi giweci, kum ging’eye. 35Kugweno, ma fodi piny nyambiambia, eai malu ewok woko, ecidho ka ma ngele, e erwo keca. 36Simon ku ju ma gibedo kugi gilubo ng’eye; 37e ginwang’e, giwacu ire kumae, Dhanu ceke gi beyenyi. 38Ewacu igi kumae, Wek waci kamange i pacu ma ceng’ni, kara ayer kuca bende; kum abino kum lembe nini. 39Man emondo i kacokri migi cil i Galilaya ndri ndri, m’eyero ewodho ko pajogi bende. 40Ng’atu acel ubino i bang’e ma won joi, erum piny i bang’e, ekwaye, ewacu ire kumae, Tek iyenyo, icopo dwoka leng’. 41E en ma ngisi nege, erieyo cinge, emulo ko kume, ewacu ire kumae, Ayenyo; kumi dok leng’. 42E kadhoge nica joi weke, man edoko leng’. 43E eng’olo ire lembe ngili ngili, e ndhu ndhu nica ecore woko, 44ewacu ire kumae, Nen kud iyer gin moko ni ng’atu moko: ento cidhi inyuthri ni jalam, ithier gin mi dwokoleng’ peri ma Musa ng’olo, ni lembatuca igi. 45Ento ewok woko, emaku rweyo pire dit, ketho lembene yik tir, ketho ya Yesu copo mondo ngbeng’ kendo ngo i adhura, ento ebedo cen i ka ma ngele: man giai kun ku kun ceke gibino i bang’e.

will be added

X\