Luke 3

1Nie i rundi mir apar wi abije mi camuker pa Tiberio Kaisari, nwang’u Pontio Pilato bedo jabim mi Yahudi, Herode de bedo jabim mi Galilaya, Filipo m’umin ke jabim mi ng’om Itureya man Trakoniti, man Lusania ke jabim mir Abilene, 2i nindo mi lamulam ma dit pa Ana ku Kayafa, e lem pa Mungu bino ba Yohana ma wod Zakaria i yamba. 3Man ebino i ng’om ceke ma ng’et Yordan, ku yero baputisi mi lokocwiny ni wek mi dubo; 4calu egore i kitabu mi lembe pa jabila Isaya kumae, Dwand ng’atu acel m’ukok i yamba kumae, Wuyik yo pa Rwoth Wutir yo pare. 5Ora ceke bipong’ kubang’e kubang’e, Man ku ba gudi ceke kud ungulu got de jubidwoko piny; Man gin m’ugondre bidoko atira, Man yo ma ie ju gei bidoko ndaba; 6Man kum ceke de bineno both pa Mungu. 7Ka kumeno ewacu ni udul dhanu m’ubino maku baputisi i bang’e kumae, Wu nyikwai thwol, ng’a m’upoyowu nik wupiei ni kwinyo ma bibino? 8Ka kumeno dong’ wuceg nyingwu ma biromo ku lokocwiny, man kud wumak wacu kud i iwu giwu kumae, Wabedo kud Ibrahim ni kwaruwa; kum awacu iwu, nia Mungu copo ting’o nyithindho ni Ibrahim ku kidi maeni. 9Cil kawono de lei ubedo ther ulag yedhi: ka kumeno ku ba yen ceke m’ucego nyinge ma ber ungo jung’ole piny, jubole i mac de. 10Udul dhanu gipenje, giwacu kumae, Ka kumeno ang’o ma wakowatim be? 11Man edwoko lembe ewacu igi kumae, Ng’atu ma won kanzu ario, emi ni ng’atu ma pare mbe; ng’atu ma won cam, etim kumeno bende. 12Weg ajok de gibino maku baputisi, man giwacu ire kumae, Japonji, ang’o ma wakowatim be? 13Ewacu igi kumae, Kud wumed wi ajok m’usag ma jung’olo iwu. 14Asikari bende gipenje, giwacu kumae, Wan ke, ang’o ma wakowatim be? Man ewacu igi kumae, Kud wuvug ng’atu moko ku tego, kadi kud wubal ng’atu moko de; man sukulia mu de rom weng’wu. 15Kum dhanu gibedo ku genogen, dhanu ceke de giporo lembe i adundegi pi Yohana, tek kuno nyo en e Kristu; 16Yohana loko lembe ewacu igi kumae, Amio baputisi iwu andha ku pi; ento ng’atu m’ubebino e tek ma sagu an, ma thondh wara pare aromo ngo ya agony: ebimio iwu baputisi ku Tipo Maleng’ ku mac: 17man udheru pare ni i cinge, m’elilo ko laru pare cu, m’ecoko ko nganu de i dero pare; ento ebiwang’u cunge ku mac ma negre ngo. 18Ka kumeno ku lemjuk mange de dupa eyero lembanyong’a ma juboth ko ni dhanu; 19ento kan ejuko Herode ma jabim, kum Herodias ma ci umin mire man kum gin ceke ma rac ma Herode timo, 20e emedo maeni kum wadi ceke, nia eciko ba Yohana i odkol. 21Nie etimbre, ka jumio baputisi ni dhanu ceke, nia Yesu bende jumio ire baputisi, man kan eberwo, polo yabre, 22man Tipo Maleng’ uloro i wie ku kum, calu mir akuru, dwal de ai i polo kumae, In i Woda ma jamerna; ma anyong’a nega i kumi. 23En e Yesune, kan emaku ponjo, nwang’u rundi pare yenyo romo pier adek, (ma juwacu nyo) en e wod Yusuf, ma wod Eli, 24ma wod Matati, ma wod Lawi, ma wod Melki, ma wod Yanai, ma wod Yusuf, 25ma wod Matathia, ma wod Amos, ma wod Nahun, ma wod Esli, ma wod Nagai, 26ma wod Maathi, ma wod Matathia, ma wod Simein, ma wod Yosek, ma wod Yoda, 27ma wod Yohana, ma wod Resa, ma wod Zorobabel, ma wod Salathiel, ma wod Neri, 28ma wod Melki, ma wod Adi, ma wod Kosem, ma wod Elmadem, ma wod Eri, 29ma wod Yesua, ma wod Eliezer, ma wod Yorim, ma wod Matati, ma wod Lawi, 30ma wod Simeon, ma wod Yuda, ma wod Yusuf, ma wod Yonam, ma wod Eliakim, 31ma wod Meleya, ma wod Mena, ma wod Matatha, ma wod Nasan, ma wod Daudi, 32ma wod Yese, ma wod Obedi, ma wod Boaz, ma wod Salmon, ma wod Nahason, 33ma wod Aminadab, ma wod Aram, ma wod Hezron, ma wod Perez, ma wod Yuda, 34ma wod Yakobo, ma wod Isak, ma wod Ibrahim, ma wod Tara, ma wod Nahor, 35ma wod Saruhu, ma wod Ragau, ma wod Faleg, ma wod Eber, ma wod Sala, 36ma wod Kainan, ma wod Arfakasad, ma wod Cem, ma wod Noa, ma wod Lamek, 37ma wod Methusala, ma wod Enok, ma wod Yaredi, ma wod Mahaleel, ma wod Kainan, 38ma wod Enos, ma wod Seti, ma wod Adamu, ma wod Mungu.

will be added

X\