John 16

1Giki maeni ayero iwu, kara ku juketh wukier. 2Gibiwodhowu woko kud i cokri: eyo, saa bebino, nia ng’atu m’unegowu biwacu nyo ethiero rwo ni Mungu. 3Man giki maeni gibitimo, kum ging’eyo Wego ngo, kadok an. 4Ento ayero giki maeni iwu, kara ka saa migi bino, wupoi pigi, nia ayero iwu. Gin maeni ayero iwu ku kwong’a ug, kum wanuti wakudu. 5Ento kawono acidho ba ng’atu m’uora; ng’atu moko de mbe i kindwu m’upenja kumae, Icidho kani? 6Ento kum ayero giki maeni iwu, can upong’ i adundewu. 7Ento ayero iwu lemandha: en e ber iwu nia acidhi; kum tek acidho ngo, Jajuk bibino i beng’wu ngo; ento tek acidho, abiore i beng’wu. 8En de, kan ebino, ebituco wi ng’om pi dubo, man pi bedopwe, pi pokoiembe de: 9pi dubo, kum giyio ira ngo; 10pi bedopwe, kum acidho ba Wego, wun de wunena kendo ngo; 11pi pokolembe, kum lem pa jadit mi ng’ombuni daru pokre. 12Giki dupa ni kuda m’ayer iwu, ento wucopo jologi ngo kawono. 13Ento kan ebibino, en e Tipo mi lemandha, ebitelo wiwu i lemandha ceke: kum ebiyero gire ngo; ento gin ma tek ewinjo, e ebiyero ginde: man ebiyero iwu pi gin ma bibino. 14Ebiyunga: kum ebigamu kum gin ma para, man ebiyero iwu. 15Gin ceke ma tek Wego bedo ko en e para: ketho awacu, nia ebigamu kum gin ma para man ebiyero iwu. 16Fodi nyanok, e wunena kendo ngo: fodi nyanok kendo de, ka wubinena. 17Ka kumeno kind julubne moko wacu kumae i kindgi, Maeni ang’o m’eyero iwa kumae, Fodi nyanok, e wubinena ngo; fodi nyanok kendo de e wubinena: man, Kum acidho ba Wego? 18Ka kumeno giwacu kumae, Maeni m’eyero kumae, Fodi nyanokni en e ang’o? Wang’eyo gin m’eyero ngo. 19Yesu ng’eyo nia giyenyo gipenje, e ewacu igi kumae, Wupenjru i kindwu pi lembe maeni nia awacu kumae, Fodi nyanok, e wunena ngo, fodi nyanok kendo, e wubinena? 20Andhandha, ayero iwu, nia wubiywak ku goyo nduru de, ento anyong’a binego ng’om: can binegowu, ento can mu bilokre ni anyong’a. 21Ka moc ugoyo dhaku can nege, kum saa pare wok: ento kan edaru nyolo nyathin epoi pi ndiba kendo ngo, ni anyong’a m’unege nia enyolo dhanu wok i ng’om. 22Kumeno wun bende kawono can unegowu: ento abinenowu kendo, kan anyong’a binego adundewu, anyong’a mu de ng’atu moko mbe ma kabu kud i beng’wu. 23I ceng’ maeno wubipenja ku penji moko ngo. Andhandha, ayero iwu kumae, Tek wubikwayu gin moko ba Wego, ebimie iwu ku nyinga. 24Fodi wupenjo gin moko ngo ku nyinga: wupenji, man wubijolo kara juketh anyong’a mu pong’. 25Ayero gin maeni iwu ku lembabola: saa bebino, kan abiyero iwu kendo ngo ku lembabola, ento abiyero pi Wego kele. 26I ceng’ maeni wubikwayu ku nyinga: man awacu iwu ngo, nia abikwayu Wego piwu; 27kum Wego maruwu gire, kum wumara, man wuyio nia aai ba Wego. 28Aai ba Wego, man abinoi ng’om kendo, aweko ng’om, man acidho ba Wego. 29Julubne giwacu kumae, Nen, kawono iyero kele, man iyero ku lembabola ngo. 30Kawono wang’eyo nia ing’eyo gin ceke, man can penji ma nia ng’atu moko penji ko negi ngo: kum lembe nini wayio nia iai ba Mungu. 31Yesu loko igi lembe kumae, Kawono dong’ wuyio? 32Nen, saa bebino, eyo, edaru wok, ma jubilaluwu i ie, ng’atuman thugi man thugi, man wubiweka dong’ kenda; ere abedo kenda ngo, kum Wego ni i bang’a. 33Ayero giki maeni iwu, kara wubed ku kwiocwiny ni kuma. Masendi ni i beng’wu i ng’om: ento dong’ cwinywu bed tek; avoyo ng’om.

will be added

X\