James 4

1Ali m’i kindwu giai kani ku rop bende? giai ba gin maeni ngo, cli bang’ awanya kumwu m’ubekiedo i wathkumwu? 2Awanya ma rac ubenegowu, ere wubedo kudo ngo: wunego nek, man wuketho cwinywu hai kum piny, ento enwangre iwu ngo: wukiedo lwiny wutimo ali de; e wubedo kudo ngo, kum wupenjo ngo. 3Wupenjo, man wugamu ngo, kum wupenjo aleng’a, kara wulale i awanya mu. 4Wun wu weg gier, wung’eyo ngo nia bedo jarimb ng’om en e adegi ni Mungu? Kumeno ng’atu ma tek uyenyo ebed jarimb ng’om nwang’u ekethre gire ni jadegi pa Mungu. 5Kadi iwu pido ya nyo lembagora pa Mungu yero mananu? Cwiny maeno m’eketho ubed i iwa ava ubenege cil ku kumira? 6Ento emedo bero mange. Kum kumeno lembagora pa Mungu wacu kumae, Mungu gut kum jukuhaya, ento emio bero ni ju ma mol. 7Dong’ wumond kumeno ni Mungu: ento wugut ni wonabali, e ebiringowu. 8Cor i vut Mungu, man ebicoro i vutwu. Wulog cingwu, wu judubo; man wulwok adundewu, wu ju ma pidoiwu ario. 9Dong’ wusendru, can unegwu de, man wuywaki: wek ng’iero mu dok ni can, mutoro mu de ni adieng’acwiny. 10Dong’ wujwigru giwu i wang’ Rwoth, man ebiyungowu. 11Kud wuyer nying juwedu ma ng’atuman uyer nying wadi man nying wadi, umego. Ng’atu m’uyero nying umego, kadi m’upoko lembe p’umin, nwang’u eyero kum cik, man epoko lembe wi cik: ento tek ipoko lembe wi cik, meca in i jatim cik ungo, ento in i japoklembe. 12Ng’atu acel kende ma en e jang’olcik man japoklembe, e en nini e m’ecopo laru m’ecopo nyotho bende: ento in i ng’a m’ipoko lembe pa wedu e? 13Aeno dong’ kawono, wu jn ma wnwacu kumae, Tinuni kadi urwo wabicidho i adhura ma nyo, wabibedo keea de rnndacel, wabiloko kuloka, e wabigamu jupinyne: 14ento wung’eyo ngo maram urwo bibedo ko. Kwo peri en e girang’o? kum wun wu lietho ma duny, ma wok nyaswaswa ci, e elund elal woko. 15Maku wuwac kumae, Tek Rwoth uyio wabibedo kwo, man wabitimo gin mae kadi maeno. 16Ento kawono wuheru i alule mu: ahaye ma kumeno ceke e rac. 17Kumeno tek ng’atu m’ung’eyo timo ber, e kan etime ngo, meca edoko ni dubo ire.

will be added

X\