Hebrews 9

1Nie cil lembariba ma kwong’a bedo ku lembapoka mi kisoma pa Mungu, man kamaleng’ pare, kamaleng’ m’i ng’om maeni. 2Kum juyiko hema, ma kwong’ane, ma ie ju thethala, ku mesa, man kwen m’anyutha; m’elwongre Kamaleng’. 3Man yor i ng’ei kusika mi bongu mir arionde, hema m’ulwongre Leng’ mi Maleng’; 4ma ie ju pemblam mi mola ma kwar rni gin ma ng’wice ng’ar, ku sanduk mi lembariba ma jumwono mola ma kwar gbur i kume ma ie ju alibi mi mola ma kwar ma ie ju mana, man musonglo pa Harun m’uloth, man ban mi lembariba; 5jukerubi mi dwong’ gini i wie ma gibeumo kakisa ku tipo; ma wacopo yero pi ginduni ndri ngo kawono. 6Nie gin maeni ma juyiko kumeni, julam gimondo i hema ma kwong’a thiri thiri, ma gitimo ko tic mi kisoma; 7ento jalam ma dit kende e ma mondo i mir arionde, wang’ acel pil i rundi acel, ma rimo mbe kude ngo, m’ewodho pire gire, man pi kier mi dhanu, 8e Tipo Maleng’ unyutho maeni, nia yo mi kamaleng’ fodunyuthie ngo, kinde ma hema ma kwong’a foducungo; 9ma en e lembapora mi nindo maeni; calku maeni juwodho giramia ku lam de ma copo dwoko jurwo cu ma ndhu ngo i gin mi pidocwiny, 10ma gi, (giracama man giramadha man giralwoka ma tung’ tung’) lembapoka mi kum, ma juketho cil i nindo mi yikolembe. 11Ento Kristu m’udaru bino ni jalam ma dit mi gin ma ber ma bibino, ni kum hema ma dit ma bedo cu de m’usagu, ma jutimo ku cing’ ungo, thelembene kumae, mi giracwia maeni ngo, 12kadi ni kum rimb diegi ku nyithi dhiang’ de ngo, endre ni kum rimbe gire, m’emondo wang’ acel pil i kamaleng’, m’edaru nwang’u war ma rondo ku rondo. 13Kum tek rimb diegi ku thwoni dhiang’, man ke vuru rni rwaya m’ukire wi ju m’ucido dwoko leng’, cil ku dwoko kum leng’: 14e rimb Kristu, m’ewodhre gire ma mulima mbe ni Mungu kum Tipo Maleng’ ma nja, bilwoko pidocwinywu ni tic m’utho kara wutim ni Mungu ma kwo sagu dit apila ngo? 15Kum lembe nini en e jarib lembariba ma nyen, kara tho m’udaru timbre pi war mi dubo ma gini the lembariba ma kwong’a, ju ma julwong’ogi gijol lembang’ola mi camupacu mi nja. 16Kum ka ma lembariba mi camupacu ni i ie, nwang’u tho pa ng’atu m’utimo lembaribane de ukoubedo nuti be. 17Kum lembariba mi camupacu tegone bedo nuti nwang’u tho wok: kum tegone mbe tek ng’atu m’utime fodubedo kwo. 18Kum kumeno cil lembariba ma kwong’a de jutheke ngo m’umbe rimo. 19Kum kinde ma lembang’ola kubang’e kubang’e ceke yere ni kum Musa ni dhanu ceke calku cik, eting’o rimb nyathi dhiang’ ku mi diegi de, karacelo ku pi man yuk rombo ma kwar man alagi, man ekiro wi kitabu gire man kum dhanu ceke, 20ewacu kumae, Maeni en e rimo mi lembariba ma Mungu ng’olo iwu. 21Man ke hema kud agulu mi timotim ceke ekiro kumeca ku rimo. 22Man calku cik, avowacu, ya gin ceke julwoko ku rimo, man tek rimo ku cwir ungo, nwang’u rucoruc umbe. 23Kum kumeno ayi mi gin m’i polo ukoubed alwoka be ku maeni; endre gin m’i polo gigi ku lam ma ber ma sagu maeni. 24Kum Kristu kumondo i kamaleng’ ma jutimo ku cing’ ungo, ma calu ayi mi mandha; endre i polo gire, kara ewok kawono i wang’ Mungu piwa: 25kadi ma nia ewodhie gire wang’ udul ungo, calu jalam ma dit ma mondo i kamaleng’ ku ba rundi ku ba rundi ku rimo ma pare ngo: 26tek ebedo kumeni ngo kuno di esendre wang’ udul m’ugambre i thek ma ng’om uthekre ko: ento kawono enyuthre wang’ acel pil i kajik rundi m’eketho ko dubo cen ni kum lam ma en gire. 27Man kum ekethre ni dhanu ya githo wang’ acel pil, man yo ng’ei maeni pokolembe; 28kumeno Kristu bende, ma juwodhe wang’ acel pil eyei dubo mi dhanu dupa, ebiwok wang’ arionde, nge ku dubo, ni ju m’ukure, ni both.

will be added

X\