Hebrews 8

1Nie i gin ma wabeyero, lembe ma dwong’ e eni; Wabedo ku jalam ma dit ma wadi maeni, m’ejany yo ku ng’et komker ma yor acwic mi dwong’ i polo, 2m’e jatim mi kamaleng’, man mi hema mandha, ma Rwoth uguro re, dhanu ngo. 3Kum ku ba julam ma dongo ceke jukethogi kara giwodh giramia ku lam bende: kum kumeno dong’ jalam ma dit maeni bende ukoubed ku gin m’ethier be. 4Nie tek en e ma wi ng’om, kuno di k’ebedo jalam ki ngo, kum ju ma giwodho giramia calku cik ginuti; 5ma gitimo maeni ma en e ayi ku tipo mi gin m’i polo, cil calu ma Musa poi ko ni kum Mungu kinde m’eyenyo etim hema: kum, Nen, ewacu, nia itim gin ceke calkud ayi gin ma junyutho iri wi got. 6Ento kawono enwang’u timotim ma dwong’ hai ma sagu, calu en e jarib lembariba bende ma ber m’usagu, ma jung’ole wi lembang’ola ma ber m’usagu. 7Kum tek lembariba maeno ma kwong’a cungo ndhu cu, kuno di jukuyenyo kaka mir arionde ngo. 8Kum kan enwang’u erem, ewacu kumae, Nen, ceng’ bibino, Rwoth uwacu, M’abitimo ie lembariba ma nyen ku ot pa Israel man ku ot pa Yuda; 9Ma calku lembariba m’atimo ku weggi ngo I ceng’ m’amakugi ku cing’ apeyo kogi woko kud i ng’om Misiri; Kum gibedo asu ngo i lembariba para, Man aparu pigi ngo, Rwoth uwacu. 10Kum maeni lembariba m’abitimo ku ot pa Israel Yo ku ng’ei ceng’ maeno, Rwoth uwacu; Abiketho cik para i pidoigi, Man abigorogi wi adundegi bende: Man abibedo igi ni Mungu, Man gibibedo ira ni dhanu: 11Man ku ba dhanu ceke ng’atu moko mbe ma biponjo wadi, Man ku ba dhanu ndri ng’atuman bi wacu ngo ni umin kumae, Ng’ei Rwoth: Kum dhanu ceke bing’eya, Ugambre kum ma thindho m’i kindgi cil ku ma dongone de. 12Kum kisa binega kum camuco migi, Man abipoi pi dubo migi kendo ngo. 13Kum ewacu kumae, Lembariba ma nyen, eketho ma kwong’a ti. Ento maeno ma kare bekadhu man m’ubeti e ceng’ni kadhu woko.

will be added

X\