Hebrews 5

1Kum ku ba jalam ma dit, ma jugamu i kind dhanu, jukethogi pi dhanu i gin ma pa Mungu, kara emi giramia ku lam de pi dubo: 2m’ecopo oyo lembe mi ju ma cobo ku ju ma kier, kum en gire bende eni i ng’ic; 3kum kumeno calu ewodho lam pi dhanu ca, ekoewodh pire gire bende kumeno de, pi dubo. 4Man ng’atu moko mbe m’ugamu yung maeni ire gire, ento kan elwongre ni kum Mungu, cil calu Harun. 5Kumeno Kristu bende yungre gire ngo ya jukethe ni jalam ma dit, ento ng’atu m’uyero ire kumae, In i Woda; Tin anyoli: 6calu eyero i kamange bende kumae, In i jalam mi nja Calu wagi pa Melkizedek. 7En ma i ceng’ maeni mi kume, nwang’u ewodho rwo ni Mungu ku kwayukwac ma ku ywak ma tek ku piwang’ ni ng’atu ma copo lare ni tho, m’ewinjre de ni kum lworo pare ma ayi Mungu ni i kume, 8kadok en e Wod, ento egamu ng’eyo woro ni kum gin m’esendre kudo; 9en ma judaru dwoke ndhu cu, edoko jathekboth ma rondo ku rondo ni ju ma giwore ceke; 10m’elwongre ku Mungu ni jalam ma dit calu wagi pa Melkizedek. 11Wabedo ku lembe dupa ma wayer pire ma tuco there tek, kum wudoko udhing’. 12Kum ni kum nindo emaku wubed juponji, ento wuyenyo ya ng’atu moko ponjwu kendo ku ponji ma kwong’a mi lembatheka mi wec pa Mungu; man wudoko ni wagi ju ma can cak negogi, man cam m’alili re ngo. 13Kum ku ba dhanu ceke ma camu cak nwang’u eng’eyo lembe mi bedopwe ngo; kum en e mukere. 14Ento cam m’alili en e ni dhanu m’uteng’ni, gi ju ma ni kum timo ma gitimo ng’eyong’ec migi bedo ayika mi ng’io gin ma ber ku gin ma rac.

will be added

X\