Hebrews 13

1Wek mer mi utumego bed nuti asu. 2Wiwu kud uwil kum nyutho mer ni welo: kum ni kum maeno jumoko gwoko malaika ma jukung’eyo ngo. 3Wupoi pi ju ma gini i kol, calu wubedo atwia wukugi; ju ma jutimogi rac de, calu wun giwu bende wuni i kum. 4Wek gam ma jugambri ko bed ku yung i kind jo ceke, kavuto de kud ubed m’ecido: kum weg tarwang’ man weg gier Mungu bipoko lembe rnigi. 5Bed agonya kum mer ma jumaru ko jukupiny; dong’ cwinywu cung kum wagi gin ma wubedo ko: kum en gire ewacu kumae, Abiweki ki ngo, kadok akuna de abikuni ki ngo. 6Kum kumeno wawacu ku tegocwiny kumae, Rwoth en e jakonyna; abilworo ngo: Dhanu bitima nedi? 7Wupoi pi ju m’ubimo wiwu, dhanu ma giyero iwu lem pa Mungu; man ka wubepido pi kajik mi kura bedo migi ma gibedo ko kwo, wukwany ba yioyic migi. 8Yesu Kristu bedo calacel nyaworo ku tinuni, man rondo ku rondo de. 9Kud wuyeiru ku ponji ma tung’ tung’ ma naka jukuwinjo pire ngo: kum e ber ya adunde cung ku bero; ku giracama ngo, ma ju ma giwotho i ie ginwang’u kuloka ngo. 10Wabedo ku pemblam, ma ju ma rwo i hema gicopo camu maeno ngo. 11Kum kum mi lim maeno ma rimo migi julam ma dit ukelo i kamaleng’ pi dubo, juwang’u woko ku kagonjo. 12Kum kumeno Yesu bende, kara edwok dhanu leng’ ni kum rimbe gire, esendre woko dhugang’. 13Ka kumeno dong’ wawoku woko i bang’e i ng’ei kagonjo, ma wayeyu ko cac pare. 14Kum wabedo keni ngo kud adhura ma bedo, ento wayenyo adhura ma bibino. 15Ka kumeno dong’ wawodh lam mi pak ni Mungu thiri thiri, lembene kumae, Nying’ mi dendhok ma watuco ko nyinge. 16Ento wiwu kud uwil kum timo ber ku ribri de: kum lam ma kumeni nyayu mutoro i Mungu. 17Wuwor ju ma gibimo wiwu, wumond igi de: kum gikuro kum ng’eyong’ec mu calu ju ma biwodho wel; kara gitim maeni ku mutoro, ku can re ngo: kum maeni kuloka ngo iwu. 18Wurwo piwa: kum wageno andha nia wabedo ku pidocwiny ma ber, ma wabeyenyo wabed ko ber i gin ceke. 19Man akwayuwu ma sagu dit apila ya wutim maeni, kara judwoka i beng’wu pio ma sagu. 20Nie Mungu mi kwiocwiny, m’ekelo jakwac ma dit mi rombe kendo m’ecer ku kind ju m’utho ni kum rimo mi lembariba mi nja, en e Rwoth mwa ma Yesu, 21edwokwu cu ma ndhu i gin ceke ma ber kubang’gi kubang’gi kara wutim yeny ma ie yenyo, m’ebetimo i iwu gin ma nyayu mutoro i wang’e, ni kum Yesu Kristu; dwong’ ma nja ku nja ubed ire. Amen. 22Ento akwayuwu, umego, wutwi cwinywu kum lem ponji: kum adaru goro iwu ku lembe ma nyanok. 23Wung’ei nia umegwa ma Timoteo jugonyo; ma tek ebino fodi nyanok, wabinenowu wakude karacelo. 24Wumoth ju ma gibimo wiwu ceke, ku jumaleng’ ceke. Ju ma Italia gimothowu. 25Dong’ bero bed iwu kpo. Amen.

will be added

X\