Hebrews 11

1Nie yioyic en e gin ma ketho tego kum gm ma jugeno pire, en e tegocwiny mi gin ma fokunen ungo. 2Kum junyutho lembe ni judongo i maeni. 3Ni kum yioyic wang’eyo nia ng’om ucwire ni kum lem pa Mungu, kum kumeno gin ma nen utimbre ngo kud i gin m’unyuthie. 4Ni kum yioyic Habil uwodho lam ma ber hai ni Mungu m’usagu pa Kain, man ni kum maeno junyutho pire nia en e ng’atu ma bedo pare cungo pwe, Mungu nyutho nyuth pi giramia pare man ni kum maeno kadok etho fodi ebeyero. 5Ni kum yioyic juting’o Enok kara kud enen tho; e junwang’e ngo, kum Mungu ting’e; kum junyutho pire ya ma fodi kating’ pare kutundo ngo pire nyayu mutoro i Mungu: 6man ma yioyic umbe nyayu mutoro i ie copre ngo; kum ng’atu m’ubino ba Mungu maku ekoeyi be nia enuti, man e jamic mi ju ma giyenye. 7Ni kum yioyic Noa, ma Mungu poye pi gin ma fodi jukuneno ngo, ma lworo ma ayi Mungu ni i kume nege, eyiko avur kara ebodh ot pare; ni kum maeni egonjo ng’om, man edoko jacampacu mi bedopwe ma en e calku yioyic. 8Ni kum yioyic, ka julwong’o Ibrahim, eyio ecidh i ka m’ebijolo ni aba; man ecidho, m’eng’eyo ka m’ecidho i ie ngo. 9Ni kum yioyic edoko umondo i ng’om mi lembang’ola, calu i ng’om ma pare gire ngo, m’ebedo ko i hema, gikud Isak man Yakobo, ma gi jucampacu, mi lembang’ola ma calacel karacelo gikude: 10kum ekio adhura maeni m’ubedo ku kathere, ma jagomne ku jatimne en e Mungu. 11Ni kum yioyic cil Sara bende enwang’u tego m’enyolo ko nyodo ma nwang’u tego mi rundi pare kadhu, kum ekwanu ng’atu m’ung’olo lembe ya en e mandha: 12kum kumeno bende udni ma welne calu cero m’i polo, man calu kwio ma dhu nam, ma kwandre ngo, uai ba ng’atu acel man en de e calu avu. 13Maeni ceke githo i yioyic, ma fodi gikujolo lembang’ola ngo, endre anena ginenogi amotha de gimothogi ku bor, ma gidaru tuco nia gin umondo man juwoth i ng’om. 14Kum ju ma giyero wagi gin maeni ginyutho nia gibeyenyo kang’om migi gigi. 15Man andha tek gipido pi ng’om maeno ma giai i ie, kuno di kadok ma gidok ko wok igi. 16Ento kawono ava ng’om ma ber m’usagu negogi, ma en e m’i polo: kum kumeno lewic unego Mungu ngo i kumgi, ma nia julwong’e Mungu migi; kum eyiko adhura 17Ni kum yioyic, Ibrahim uwodho Isak, nwang’u jumule; eyo ng’atu m’ujolo lembang’ola kud anyong’a ewodho wode kulong’; 18ndhu ng’atu ma jung’olo ire kumae, Kodhini bilwongre ni kum Isak: 19ekwanu ya Mungu copo ting’e, cil kud i tho ngi; kud i ie de ejole kendo calu i ayine. 20Ni kum yioyic Isak umio mugisa ni Yakobo man Esau, cil pi gin ma bibino. 21Ni kum yioyic Yakobo, kinde m’ebetho, emio mugisa ni wot Yusuf kubang’gi; man erwo, m’etiele atiela wi uluth pare. 22Ni kum yioyic Yusuf. kinde ma kajik pare dhingo ceng’ni, eyero pi ai ma nyithindho pa Israel biai ko; man eng’olo lembe pi cogone. 23Ni kum yioyic, kinde ma junyolo Musa, junyodo pare gikane dwi adek, kum gineno nia en e nyathin ma ber; man lworo negogi ngo kum lembang’ola p’ubimo. 24Ni kum yioyic, ka Musa dongo, ekwero ku julwong’e wod Nyafarao; 25m’efoyo ya eribre karacelo ku dhanu pa Mungu i masendi, sagu ma tek ebedo k’anyong’a mi dubo nindo moko; 26m’ekwanu cac ma jucayu ko Kristu ni lonyo ma dwong’ ma sagu piny m’akana mi Misiri: kum eneno ba giramia rni sukulia. 27Ni kum yioyic eai i Misiri, ma lworo nege ngo kum kwinyo p’ubimo: kum eciro cir, calu m’ebeneno ng’atu ma nen ungo. 28Ni kum yioyic ekwiro kadhukuwijo, ku kiro rimo, kara janyoth mi kayu kud umul kumgi. 29Ni kum yioyic gikadhu kud i nam Makwar calu kud i ng’om m’uthwo: ma Jumisiri giponjo timo ci e gimwony. 30Ni kum yioyic gang’ mi Yeriko urwombre, yo ng’ei Iwor ma gilwore ko ceng’ abiro. 31Ni kum yioyic Rahab ma won asara tho ngo karacelo ku ju ma gicamu co, kum ejolo julib ku kwiocwiny. 32E kan ayer ang’o kendo? kum nindo biromo ira ngo tek ayero pi Gideon, man Barak, man Samson, man Yeftha; man pi Daudi man Samwil ku pi jubila: 33ma ni kum yioyic ginyono ker mir ubimo, gitimo bedopwe, ginwang’u lembang’ola, gimio dhu umvor, 34gikwio wi tego mi mac, giboth ku lak palamularu, giai i ng’ic gidoko tek, gidoko jukero i ali, giriemo njuru asikari ma juwirok. 35Mon gijolo avu dhanu migi ni kum cer: man jumange jusendogi ku remokum, ma giyio both migi ngo; kara ginwang’ cer ma ber m’usagu: 36man jumange jumulogi ku cac ku goc ma lith de, eyo, mange ke mi uno ku kol; 37jucanyugi ku kidi, juthumo igi pu kud uligu, jubidhogi, junegogi ku palamularu: giwotho ku kendi mi lau rombe, ku mi lau diegi, gibedo jucan piny ma apila, gineno can, man jutimogi rac 38(gi ber ma ng’om maeni romo kugi ngo), man gibewotho rr i ng’om ngele, kud i kind gudi de, i odcana de, man i odng’om de. 39Man joni ceke, ma junyutho lembe pigi ni kum yioyic migi, gijolo lembang’olane ngo, 40kum Mungu ketho iwa gin ma ber m’usagu, kara ku gidok cu ma ndhu nge ku wan.

will be added

X\