Hebrews 10

1Kum cik m’ebedo ku tipo mi gin ma ber ma bibino, ayi ginduni ku kite ngo, ku lam ma calacel ma ku ba rundi ku ba rundi, ma giwodho thiri thiri, ecopo dwoko ju m’ucoro ceng’ni cu ma ndhu ki ngo. 2Tek ebedo kumeno ngo nwang’u juweko wodho ngo? kum jurwo, ma judwokogi leng’ wang’ acel pil, cwinygi pido kendo ngo pi dubo. 3Ento i lam maeno juketho poi ma jupoi ko pi dubo ku ba rundi ku ba rundi. 4Kum ecopre ngo ya rimb thwoni dhiang’ ku diegi ukab dubo woko. 5Kum kumeno kan ebino i ng’om, ewacu kumae, Lam ku giramia ayenyo ngo, Ento iyiko ira kum; 6Giramia m’awang’a ma dho man lam ma pi dubo de nyayu mutoro ii ngo: 7Alund awacu kumae, Nen, abino (I mbaya mi kitabu egore pira) Nitimo yeny m’iyenyo, E Mungu. 8Ma juwacu malu kumae, Lam ku giramia man giramia m’awang’a ma dho ku lam ma pi dubo de iyenyo ngo, kadok mutoro de negi ngo i kume (maeno ma juwodho calku cik), 9kan elund ewacu kumae, Nen, abino nitimo yeny m’iyenyo. Ekabu ma kwong’a ca woko, kara eketh mir arionde cungi. 10Ni kum yeny maeni m’eyenyo judwokowa leng’ ni kum wodh m’ewodho ko kum Yesu Kristu wang’ acel pil. 11Man ku ba jniam ceke gicungo ku ba rupiny ku ba rupiny andha ma gitimo ko giratima giwodho ko lam de ma calacel wang’ udul, ma copo kabu dubo ki ngo: 12ento en re, kan edaru wodho lam acel pi dubo ma nja, ejany yo ku cing’ Mungu ma yor acwic; 13ugambre kawono m’ebekuro ko cil ma jubidwoko ko jukwoje ni kom mi tiende. 14Kum ni kum lam acel edwokogi cu ma ndhu mi nja gi ju ma judwokogi leng’. 15Man Tipo Maleng’ bende nyutho iwa; kum kan edaru wacu kumae, 16Maeni en e lembariba m’abitimo kugi Yo ng’ei ceng’ maeno, Rwoth uwacu: Abiketho cik para wi adundegi, Man abigorogi wi pidoic migi bende; 17Man dubo migi ku camuco migi abipoi pigi kendo ngo. 18Nie ka rucoruc rni maeni nuti, meca giramia ma pi dubo mbe kendo. 19Ka kumeno, umego, wan ma wa weg tegocwiny ma wamondo ko i kamaleng’ ni kum rimo pa Yesu, 20ni kum yo m’etheko iwa, yo ma nyen man mi kwo, ni kum kusika bongu, thelembene, kume; 21man kum wabedo ku jalam ma dwong’ wiotpaMungu; 22dong’ wacoru ceng’ni kud adunde mandha i pong’ mi yioyic ma adundewa bedo akira ni pidocwiny ma rac: ma kumwa de bedo alwoka ku pi ma leng’, 23dong’ wamak lembatuca mi genogen mwa ki kara kud elokre; kum ng’atu m’ung’olo en e mandha: 24man dong’ iwa pidu piwa ku jukojuk ma ku mer ku tic ma dre de; 25man ku wawek cokra giwa karacelo, ma calu kura mi jumoko, ento ajuka dong’ wajukra; man ma sagu apila, ka waneno cenguni dhingo. 26Kum tek wadubo akakaka ku yo ng’ei jolo ng’eyong’ec mi lemandha, lam mi dubo dong’ bedo nuti kendo ngo, 27ento kuro pokolembe ma ku lworo, man kwinyo mi mac ma bicamu jupiem. 28Ng’atu m’ucoro cik pa Musa cen etho ma kisa mbe ni kum jumulembe ario kadi adek: 29e iwu wacu ya masendi ma jubing’olo ya urom ng’atu m’unyono Wod Mungu the tiende, m’ekwanu rimb lembariba m’edoko kudo leng’ de ni gin ma leng’ ungo, m’ecayu Tipo mi bero bende, bisagu dit ungo? 30Kum wang’eyo ng’atu m’uwacu kumae, Culokwor en e para, abiculo. Man kendo, Rwoth bipoko lembe mi dhanu pare, 31Podho i cing’ Mungu ma kwo en e gin mi lworo. 32Ento iwu poi pi ceng’ ma kwong’a, nwang’u der ucaru iwu, ma wuciro ie piem ma dit mi masendi; 33ma moko, judwokowu ni giranena ni kum cac ku ruvwa; man mange ke, ma wuripo ko ku ju ma jutimogi kumeni. 34Kum ngisi negowu kum ju ma gini i kol, man wuyio ku mutoro yak ma juyaku ko piny mu, ma wung’eyo ko nia wubedo ku jukupiny iwu giwu ma ber m’usagu ma kajikne de mbe. 35Kum kumeno kud wubai tegocwiny mu, ma giramia mi sukulia pare dwong’. 36Kum can twiocwiny ubenegowu, kara, wun ma wudaru timo yeny ma Mungu yenyo, wujol lembang’olane. 37Kum nindo dong’ nyakathiklo, Ng’atu m’ubino ebibino, man ebigalu ngo. 38Ento ng’atu ma pwe para bikwo ku yioyic: Man tek edok cen, mutoro binego ng’eyong’ec para i kume ngo. 39Ento wan wa dhanu m’udok cen ni kanyoth ungo; ento mi yioyic cil ni both mi ng’eyong’ec.

will be added

X\