Hebrews 1

1Mungu, ma yang’ ubeduyero kwond lembe ni wego ku yo ma tung’ tung’ de ni kum jubila, 2i dong’ nindo maeni eyero iwa i Wode, m’ekethe ni jacampacu mi gin ceke, piny bende ecwio ni kume; 3en m’e car m’ucare mi dwong’ pare, man en e ayi mi kit kume, man gin ceke thiere ni kum lembe mi tego pare, kan etimo lwok mi dubo, ejany piny yo ku cing’ ma yor acwic mi Dwong’ ka ma malu; 4m’edaru doko ber hai ma sagu malaika calu enwang’u nying’ ma cu ni kum camupacu ma sagu joca. 5Kum ni malaika makani m’eyero ire kumae, i nindo moko, In i Woda, I ceng’ maeni anyoli? man kendo, Abibedo ire ni Wego, Man ebibedo ira ni Wodo? 6Man kan ekelo kayu kendo i ng’om ewacu kumae, E dong’ malaika pa Mungu ceke girwo ire. 7Man pi malaika ewacu kumae, M’etimo malaika pare gidoko yamu, Man jutim pare ni lebmac; 8ento pi Wod re ewacu kumae, E Mungu, komker peri en e mi rondo ku rondo; Man uluth mi lembatira en e uluth mi ker peri. 9Imaru bedopwe, man idagu camuco; Ka kumeno Mungu, Mungu peri, ewiri ku mo Ku mo mir anyong’a ma sagu juwedu. 10Man, In, Rwoth, ku kwong’a itheko the ng’om, Man polo en e bodho mi chigi; 11Gibinyothri; ento in idong’ asu: Man gin ceke gibiti calu bongu ti; 12Man ibidologi calu kendi ma yo wi wagi, Calu kendi, man gibilokri: Ento in re i cahi acel, Man rundi peri bijik ungo. 13Ento malaika makani m’eyero pire nindo moko kumae, Jany yo ku cinga ma yor acwic, Maram aketh ko jukwoji dok ni kom mi tiendi. 14Gin ceke gi tipo mi timotim ungo, ma juorogi ya gitim tic pi ju ma bicamu pacu mi bothi?

will be added

X\