Galatians 6

1Umego, tek junwang’u ng’atu moko i kier moko, wun ma wu weg tipo, wulok ng’atu ma kumeni ku cwiny mi bedoyo; m’ibedo giri ku weng’i bende, abidhe maru nwang’u in bende. 2Wuyei ter mi juwedwu man pa wadi man pa wadi, e wuketh cik pa Kristu timbre kakare kumeno. 3Kum tek ng’atu moko ie wacu ya en e m’e en, ma en ke k’e gin moko ngo, meca ewondre gire. 4Ento dong’ ng’atuman ukor i tic pare cu, e kulula bilund nege i kume gire kende, man kum wadi re ngo. 5Kum dhanu ceke ng’atuman biyeyo ter pare gire. 6Ento dong’ ng’atu ma juponje ku lembe eribre ku ng’atu m’uponje i gin ceke ma ber. 7Kud wuwondru giwu; jucopo cayu Mungu ngo: kum gin ma tek ng’atu moko coyo, gica ebikayu bende. 8Kum ng’atu m’ucoyo i kume gire ebikayu top mi kum; ento ng’atu m’ucoyo i Tipo re ebikayu kwo ma rondo ku rondp ba Tipo. 9Man ku waol ku timo tic ma ber: kum ka kakare tuudo wabikayu, tek wavoc ungo. 10Kum kumeno, ka fodi kakare nuti iwa, dong’ watim ber ni dhanu ceke, endre ma dhene re ni juot mi yioyic. 11Wunen maram agoro ko iwu ku mege thelembe ma dongo no gira ku cinga. 12Dhanu ceke ma giyenyo ginyuth berokum, gicung’owu ya jutim yaa i kumwu; ndhu kara ku junyai ragedo i kumgi kum lembe mi yen m’athara pa Kristu. 13Kum cil ju ma gijolo yaa giworo cik uugo; ento giyenyo jutim yaa i kumwu, kara giluli i kumwu. 14Ento ayenyo ya kud alula, ento kum yen m’athara pa Rwoth mwa ma Yesu Kristu kende, ma ng’om ubedo agura ira ni kume, an de ni ng’om. 15Kum yaa en e gin moko ngo, kadi yaango bende, ento ng’atu ma nyen re. 16Dhanu ceke ma gibiwotho ku cik maeni, dong’ kwiocwiny ubed i wigi, ku kisa de, man wi Israel pa Mungu. 17Ugambre kawono cil macen ng’atu moko kud unyai can i ia; kum acoko poyo pa Yesu ma junyayu i kuma. 18Bero pa Rwoth mwa Yesu Kristu ubed ku cwinywu, umego. Amen.

will be added

X\