Galatians 4

1Ento awacu nia cil ma jacampacu fodi nyathin, ebedo tung’ ungo ku jamiru kadok en e rwoth mi ceke; 2ento eni the cing’ jugwokne ku jukurpiny bende cil i nindo ma won ung’olo. 3Wan bende kumeno, ma fodi wa nyithindho, wakowabedo ng’eca the cik ma kwong’a mi ng’om: 4ento ka nindo m’uromo wok, Mungu oro Wode, ma nyaku nyolo, ma junyolo the cik, 5kara ewar ju ma gini the cik, kara wanwang’ dwok ma judwoko kowa ni wote. 6Man kum wubedo wote, Mungu oro Tipo pa Wode i adundewa, m’uywak kumae, Abba, Vwa. 7Ka kumeno in i jamiru kendo ngo, ento i wode re: man tek i wode, meca in i jacampacu ni kum Mungu. 8Ento i rundi maeca, ma fodi wung’eyo Mungu ngo, wu ng’eca igi ma ku koth kum gi mungu ngo; 9ento kawono ma wudaru ng’eyo Mungu kadi ma sagu Mungu daru ng’eyowu, wulokru kendo nedi wudok kum cik ma kwong’a ma ng’ic mi can de, ma wuyenyo wubed ng’eca i ie kendo? 10Wukwiro ceng’, ku dwi, ku nindo, ku rundi de. 11Abelworowu, kuno nyo amula iwu ku tic mananu. 12Abekwayuwu, umego, ya wubed calu an, kum an bende adoko calu wun. Wutima rac ungo i gin moko: 13ento wung’eyo nia kum mulima m’i kuma ayero lembanyong’a ma juboth ko iwu ku kwong’a: 14e maeno ma en e abidhe iwu i kuma wucayu ngo, kadi wukwero de ngo; ento wujola calu malaika pa Mungu, cil calu Kristu Yesu. 15Ka kumeno kulula mu lund ubedo kani? kum ayero piwu, nia, tek ecopre, kuno di wuwodho weng’wu woko wudong’ wumiogi ira. 16Ka kumeno adoko jadegi mu kum ayero iwu lemandha? 17Githokowu kud avane ku yo ma ber ungo; eyo, giyenyo gigeng’wu, kara wuyenygi. 18Ento e ber tek juthokowu kud avane kum lembe ma ber i nindo ceke, ere kinde m’ani i beng’wu kende ngo. 19Nyithindho para ma thindho, m’abesendra i kumwu ku masendi ma junyol ko cil maram Kristu bidongo ko i iwu, 20ento nwang’u ayenyo nia wabed wakudu kawono, man alok dwanda; kum cwinya bedo jiji i kumwu. 21Wuwac ira, wun ma wuyenyo wubed the cik, wuwinjo cik ungo: 22Kum egore, nia Ibrahim wote nuti ario, acel m’cnyolo ku nyaku ma nyalwak, acel ke ku nyaku m’anyoma. 23Ento wod nyalwak junyolo ni kum kum; ento wod nyaku m’anyoma re ni kum lembang’ola. 24Gin maeni lembabola ni i igi: kum mon maeni gi lembariba ario; acel m’uai wi got Sinai, m’unyolo nyithindho ni ng’eca, ma en e Hagar. 25Nie Hagar maeni en e got Sinai i Arabia, man jupore ku Yerusalem ma kawono: kum en eni i ng’eca ku nyithindho pare. 26Ento Yerusalem ma malu bedo agonya, ma en e megwa. 27Kum egore kumae, Anyong’a negi, in i jamugumba m’i nyol ungo; Goi dhogi man ikok akoka, in m’ise ndri ngo ku nyolo nyodo: Kum nyithindho pa ng’atu m’ubedo kende sagu pa ng’atu ma ju cware. 28Nie wan, umego, calu Isak ubedo, wabedo nyithindho mi lembang’ola. 29Ento calu ng’atu ma yang’ junyolo ni kum kum unyayu ragedo kum ng’atu ma junyolo ni kum Tipo, e ebedo kumeno kawono bende. 30Ento lembagora pa Mungu wacu nik ang’o? Riem nyalwak woko giku wode: kum wod nyalwak bicamu pacu ngo giku wod nyaku m’anyoma. 31Kum kumeno, umego, wan wa nyithindho pa nyalwak ungo, ento pa nyaku m’anyoma.

will be added

X\