Galatians 3

1E Jugalatia ma wun adhura, ng’a m’urambuwu, ma juketho Yesu Kristu ma juguro kele i weng’wu? 2Maeni kende m’ayenyo ang’ei i beng’wu, Wujolo Tipo ni kum tic mi ciki kadi ni kum winjo mi yioyici? 3Wun wun adhura kumeno ngi? wun ma wutheko lembe ni kum Tipo, meno be kawono wudoko ndhu cu ni kum kumi? 4Wusendru ku giki dupa kumeni ngi mananu? tek en e mananu andha. 5Ka kumeno ng’atu m’umio iwu Tipo, etimo musana de i kindwu, etimo ku tic mi ciki, kadi ku winjo mi yioyici? 6Cil calu Ibrahim uyio Mungu, man jukwane ire ni bedopwe. 7Dong’ wung’ei kumeno nia ju ma gi mi yioyic, gin e ma gi wot Ibrahim. 8Man lembagora pa Mungu, m’ular uneno nia Mungu bigonyo lembe ma wi Thekdhanumange ku yioyic, elar eyero lembanyong’a ma juboth ko ni Ibrahim, ewacu kumae, Thek ceke bibedo jumugisa ni kumi. 9Ka kumeno ju ma gi weg yioyic gidoko jumugisa gikud Ibrahimgi ma ng’atu mandha. 10Kum dhanu ceke ma gi weg tic mi cik gini the kwong’: kum egore kumae, Kwong’ ni wi dhanu ceke ma gikubedo ngo ku gin ceke m’ugore i kitabu mi cik, ma gitim kogi de. 11Nie ebedo ngbeng’, ya ng’atu moko mbe ma lembe m’i wie gonjre i wang’ Mungu ku tic mi cik: kum weg bedopwe gibikwo ni kum yioyic; 12man cik en e mi yioyic ungo; ento, Ng’atu m’utimogi ebikwo ni kumgi. 13Kristu waruwa kud i kwong’ mi cik, en e m’edong’ ecopo dhu kwong’ kakawa; kum egore kumae, Kwong’ ni i wi dhanu kubang’gi kubang’gi ma julierogi kor yen: 14kara mugisa pa Ibrahim umak Thekdhanumange ni kum Kristu Yesu: kara wajol lembang’ola mi Tipo ni kum yioyic. 15Umego, awacu calu ma dhanu wacu: Kadok en e lembariba mi dhanu kende, ento ka judaru ketho ecungo, ng’atu moko mbe ma thire, kadi ma mede de. 16Nie lembang’ola pa Mungu jung’olo ni Ibrahim, man ni nyakware. Ewacu ngo kumae, Man ni nyikwaye, calu ya gi dupa; ento calu ma acel, Man ni nyakweri, ma en e Kristu. 17Kawono awacu maeni: Lembariba ma Mungu yang’ ular uketho ecungo, e cik, m’ubino rundi dak ang’wen ku pier adek yo ng’eye, uketho edoko mananu ngo, ma nia ebin ethir lembang’ola. 18Kum tek camupacu en e mi ciki, nwang’u en e mi lembang’ola ngo kendo: ento Mungu mie ni Ibrahim ku lembang’ola. 19Cik ulund ubedo girang’o? Emedre ni kum dubo, cil maram nyakware biwok ko ma lembang’ola yere i kume; man ekethre ni kum malaika ku cing’ jarib. 20Nie jarib en e jarib pa ng’atu acel ungo; ento Mungu en e acel. 21Ka kumeno cik ujai kum lembang’ola pa Mungu? Awene: kum tek cik umire ma copo ketho kwo, meca bedopwe copo bino ni kum cik andha. 22Ento lembagora pa Mungu ciko ba gin ceke the dubo, kara lembang’ola mi yioyic i Yesu Kristu umire ni ju m’uyio. 23Ento ma fodi yioyic kuwok ungo, juketho wabedo akura the cik, juciko bang’wa cil maram yioyic maeni binyuthre ko macen. 24Kum kumeno cik ubedo ni japonji mwa m’ukelowa ba Kristu, kara lembe m’i wiwa gonjre ku yioyic. 25Ento kawono ma yioyic uwok, wabedo the tiend japonji kendo ngo. 26Kum wun ceke wu wot Mungu, ni kum yioyic, i Kristu Yesu. 27Kum wun ceke ma jumio baputisi iwu i Kristu wuronyo Kristu. 28Jayahudi kadi Jayunani de mbe, jamiru kadi ng’atu ma jamiru ngo de mbe, nico kadi nyaku de mbe; kum kewu ceke wu ng’atu acel i Kristu Yesu. 29Man tek wu pa Kristu, meca wu nyikwai Ibrahim, wu jucampacu calku lembang’ola.

will be added

X\