Ephesians 6

1Nyithindho, wuwor junyodo mu i Rwoth: kum maeni en e cu. 2Yung wuru ku meru (maeni cik ma kwong’a ma ku lembang’ola), 3kara ebed ber iri, man ibed hai de wi ng’om. 4Man kendo, wu wego, kud wunyai ng’ecwiny i nyithindho mu: endre wutunggi i ponji man juk pa Rwoth. 5Jumiru, wuwor judongo m’i wiwu ma ku kum, ku lworo man ku mielkum, kud adundewu m’ucungo acel, calu ni Kristu; 6ku tic mi wang’ ungo, calu ma dhanu maru; ento calu jumiru pa Kristu, ma wubetimo kayeny pa Mungu ku i adundewu: 7ma wubetimo ku morcwinywu, calu ni Rwoth, ni dhanu ngo: 8ma wung’eyo ko nia gin ma ber ma tek dhanu kubang’gi kubang’gi gitimo, e ebigamu gica kendo ba Rwoth, kadok en e ng’eca kadi paker. 9Man ke, wu judongo, wutim igi wagi gin maeno, man kud wucim cim: ma wung’eyo ko ya ng’atu ma en e Jadit migi ku mu de ni i polo, man kud i bang’e dhanu tung’ tung’ ungo. 10Aha a, wubed tek i Rwoth, man i tego mi tek pare. 11Wurony jamtho pa Mungu kpo, kara wucung ki ni rieko pa wonabali. 12Kum anyego mwa en e kum ring’kum ku rimo de ngo, endre kum ker, kum tego, kum jubim mi mudho mi ng’om maeni, kum udul tipo mi dubo i ka mi polo. 13Kum kumeno ting’ jamtho pa Mungu kpo, kara wubin wucung kr i ceng’ maeni ma rac, man, ma wudaru timo ceke, wucungi. 14Wucung kumeno, ma wudaru twio pierwu ku lemandha, man wudaru royo asi mi bedopwe, 15ma wudaru royo girayika mi lembanyong’a ma juboth ko mi kwiocwiny i tiendwu; 16karacelo ku maeni wuting’ thungu mi yioyic, ma wubicopo nego ku.. do lak athero mi mac ceke pa ng’atu ma rac. 17Man wugam sabu mi both ma juboth ko, ku palamularu mi Tipo, ma en e lem pa Mungu: 18ku rwo man kwayukwac ceke ma wuberwo ko ku ba nindo ceke i Tipo, ma wubekuro bang’e awe, ku kwayu kwac de pi jumaleng’ ceke, 19man pira, kara wec umire ira i yabu dhoga, kara aketh jung’ei giramung’a mi lembanyong’a ma juboth ko ku tegocwiny, 20ma an a jadhulembe pire i nyoro; kara ayer ku tegocwiuy i ie, calu ma maku ayer. 21Ento kara wun bende wung’ei lembe para, maram abedo ko, Tukiko, m’umego ma jamer, man jatim mandha i Rwoth, ebiketho wung’ei gin ceke: 22m’aore i beng’wu pi lembe maeni nini, kara wung’ei bedo mwa, man kara ejuk adundewu. 23Kwiocwiny ubed ba utumego, man mer ku yioyic, m’uai ba Mungu ma Wego ku Rwoth Yesu Kristu. 24Bero bed ba ju m’umaru Rwoth Yesu Kristu mwa ceke ku mer ma nyothre ngo.

will be added

X\