Ephesians 4

1Ka kumeno an, m’a jakol pa Rwoth, akwayuwu ya wuwoth m’uromo ku lwong’ ma julwong’o kowu, 2ku ming’o ceke ku molcwiny, ku mwonyo lembe hai, ku reyo lembe the tielo i mer ma ng’atuman reyo lembe ma kum wadi man kum wadi; 3ma wubeponjo bedo ku lembe acel i Tipo kud amora i twic mi twiocwiny. 4Kum acel, Tipo de acel, cil calu julwong’owu i genogen acel mi lwong’o mu; 5Rwoth acel, yioyic de acel, baputisi de acel, 6Mungu de acel ma ceke e Wego, ma ceke ebedo i wie, ma ceke de timbre ni kume, man ke ceke ebedo i ie. 7Ento jumio bero iwa kubang’wa kubang’wa ceke calku mukero mi giramia pa Kristu. 8Kum kumeno ewacu kumae, Kan eidho malu, eyaku weg ayeki, Man emio giramia ni dhanu. 9(Nie lembene e eni, Eidho, e girang’o ento ya eloro i ng’et ng’om m’i the ng’om bende? 10Ng’atu m’uloro e en nini m’uidho ngbir wi polo ceke, kara epong’ gin ceke.) 11Man emio jumoko ya gibed jukwenda; jumoko ke, jubila; jumoko ke, juyer lembanyong’a ma juboth ko; jumoko ke, jugwok kanisa man juponji; 12pi teng’ni mi jumaleng’ ni ric mi timotim, ni gomogom mi kum kanisa: 13cil, ma wan ceke watundo kum yioyic ma calacel, man kum ng’eyong’ec pa Wod Mungu, ni ng’atu ma kadongone jik, ni mukero mi kadongo mi pong’ pa Kristu: 14kara ku wabed nyithindho kendo, ma juthoro ku ku ku ma yamu mi ponji ma tung’ tung’ ting’o mberembere, ku rieko mi dhanu, i riu, tok abombi mi kier; 15ento ma wubeweco lemandha i mer, wucopo dongo i gin ceke i ie, ma en e wic, ndhu Kristu; 16kud i bang’e kum dho moko karacelo man eribre ber ni kum maeno ma ujonje ceke kelo calku timo mi mukero mi wathkum kubang’gi kubang’gi, uketho kum unyai ni gomogom gire i mer. 17Ka kumeno awacu lembe maeni, man atuco i Rwoth, ya kud wuwoth kendo calu Thekdhanumange bende giwotho, i pidoigi ma kite mbe, 18ma ng’eyong’ec migi yutho, ma gikoc tung’ ku kwo pa Mungu, kum cobo ma gibedo ko cobo i igi, kum nwang’ mir adundegi; 19gin ma cwinygi doko nwang’ ndhu gi, miri gigi ni awanya ma rac, ni timo sasa ceke ku mbo. 20Ento wun wugamu ng’eyo Kristu con kumeno ngo; 21tek ebedo kumeno ya wuwinje, man juponjowu i ie, cil calu lemandha ni i Yesu: 22pi kura bedo mu ma kwong’a, e dong’ wuketh ng’atu ma con cen, m’umaku top tok awanya ma rac mir abombi; 23man nia wudok nyen i tipo mi pidoiwu, 24man wurony ng’atu ma nyen ma calku koth Mungu ecwire i bedopwe ku leng’cwiny mi lemandha. 25Kum kumeno, ma wubeketho ndra cen, ku ba dhanu ku ba dhanu ng’atuman uwec lemandha ku wadi: kum wan wa wathkum ng’atuman pa wadi man pa wad. 26Bed ku ng’ecwiny, man kud wudubi: kud wuwek ceng’ umwony wi kwinyo mu: 27kadi kud wumi kaka ni wonabali. 28Dong’ ng’atu ma kwalu kud ekwal kendo: ento ma sagu dong’ etim tic, m’etimo ku cinge gin maeno ma dre, kara ebed ku gin m’emi ni ng’atu ma canpiny ni i kume. 29Dong’ sosiwec kud uai kud i dhogwu, ento wagi wec ma calu e ber pi teng’oteng’ calu cande bedo, kara emi bero ni ju m’uwinjo. 30Man kud wunyai can i Tipo Maleng’ pa Mungu, ma juketho ayi i kumwu i ie cil i ceng’ mi war. 31Dong’ wukab akece ceke woko kud i beng’wu, ku kwinyo, man ng’ecwiny, ku lele ma rac, ku cayucac, karacelo kud amone ceke: 32man wubed ber ng’atuman ku wadi man ku wadi, kud adunde mi ngisi, ma wuwek ko lembe m’i kumwu, ma ng’atuman uwek lembe ma kum wadi man kum wadi, cil calu Mungu bende i Kristu uweko lembe mu.

will be added

X\