Ephesians 2

1E wun eketho wukwo, ma nwang’u wun avu ni kum kier mu ku dubo mu, 2ma naka wuwotho i ie calku kura mi ng’om maeni, calku jadit mi tego mi lietho, mi tipo ma kawono ubetimo i wot juco; 3ma wan ceke bende naka wabedo i kindgi i awanya ma rac mi kumwa, ma watimo ava mi kum ku mi pidoic, man ku kura wa nyithindho mi kwinyo, cil calu dong’ dhanu: 4ento Mungu, m’usagre ku kisa, ni kum mer pare ma dit m’emaru kowa, 5cil ma fodi wan avu ni kum kier mwa, eketho wakwo karacelo ku Kristu (wuboth ni kum bero), 6man eketho wacer wakugi, man eketho wajany karacelo wakugi i ka mi polo, i Kristu Yesu: 7kara i rundi ma bibino enyuth lonyo ma apila mi berone i bedober ma yor i bang’wa i Kristu Yesu: 8kum wuboth ku bero ni kum yioyic; man maeno ai i beng’wu giwu ngo, en e giramia pa Mungu; 9en e mi tic ungo, kara ng’atu moko kud ulule. 10Kum wan wa bodho pare, ma jucwiowa i Kristu Yesu pi tic ma ber, ma Mungu lar uyiko kara wawoth i igi. 11Kum kumeno dong’ wupoi, nia naka wun, ma wu Thekdhanumange i kum, ma wulwongru Yaango ni maeno ma juiwong’o Yaa, i kum, ma jutimo ku cing’. 12ya nwang’u i nindo maeca wukoc ku Kristu, ma judwokowu tung’ kud udui pa Israel, ku welo de ni lembariba mi lembang’ola, ma genogen umbe kudu, Mungu de mbe kudu, i ng’om. 13Ento kawono i Kristu Yesu wun ma naka wuni bor judwokowu ceng’ni i rimo pa Kristu. 14Kum en e kwiocwiny mwa, m’edwoko ario doko ni acel, man emoro gang’ m’i diere mir apoka woko, 15ma nwang’u ekabu adegi i kume, ndhu cik mi lembang’ola ma ni i lembapoka; kara ecwi ng’atu acel ma nyen i ie gire kud ario, m’etimo ko kwiocwiny; 16man kara epot kindgi ni Mungu gin ario i kum acel ni kum yen m’athara, nwang’u edaru nego adegine kude: 17man ebino ekelo kwiocwiny iwu ma nwang’u wuni bor ngbir, man kwiocwiny ni ju ma gini ceng’ni: 18kum ni kume wan ario wanwang’u mondo mwa ma wamondo ko ba Wego i Tipo acel. 19Kum kumeno wun wu welo ku juwoth de kendo ngo, endre wu jung’om karacelo ku jumaleng’ man mi j uot pa Mungu, 20ma wugombru wi kathere mi jukwenda ku jubila, Yesu Kristu en e m’e kidi ma dwong’ mi gul; 21ma giragoma ceke kubang’gi kubang’gi ni i ie, m’umoko karacelo cu, m’ebedongo ni hekalu ma leng’ i Rwoth; 22ma wun bende wugombru karacelo i ie ni kabedo pa Mungu i Tipo.

will be added

X\