Acts 6

1Nie i ceng’ maeni, ma wel julub gicikumedri i ie, Juyahudi ma Juyunani gimaku ng’ur kum Juebrania, kum juweko mon migi bedo rwa i timotim ma ku ba rupiny. 2E juapar wi ario gilwong’o udul julub wagi i bang’gi, man giwacu kumae, Maku ku wawek lem pa Mungu, ya watim tic mi mesa. 3Umego, ka kumeno dong’ wunen dhanu abiro i kindwu ma pigi ber ma Tipo ku rieko de romogi, ma wakethgi kum ticne. 4Ento wan re wabibedo mwa ru wi rwo, man i tic mi lembe bende. 5E lembe nini maku i udul dhanu ceke: e gidong’ gigoyo wi Stefano, m’e ng’atu ma yioyic ku Tipo Maleng’ bende rome, man Filipo, ku Prokoro man Nikanor, ku Timoni, man Parmena, giku Nikolao ma ng’atu ma Antiokia ma juloko wang’e; 6e juketho joni wang’ jukwenda: man ka gidaru rwo, giketho cing’gi i wigi. 7E lembe pa Mungu nyai: wel mi julub de medre dit apila i Yerusalem; udul julam de giworo yic nini. 8Man Stefano, ma bero ku tego de rome, etimo musana ma dit ku giranyutha de i kind dhanu. 9Ento jukucel ma gi dhanu mi cokri ma julwong’o cokri mi Julibertino, man ke mi Jukurene, man ke mi Juiskanderia, man mi ju mi Kilikia kud Asia, joni giai gipiemo piem giku Stefanogi. 10E dhoggi thwo kau kum rieko ku Tipo de m’eyero kudo. 11Gidong’ gicuno i dhanu, ma giwacu kumae, Wawinjo eyero lembacidi kum Musa man kum Mungu. 12Man githubo dhanu, ku judongo, man jugorcik, e gikonjri i kume, gimake, gikele de i wang’ dilo, 13man giketho jumulembe mi ndra, m’uwacu kumae, Ng’atuni weko yero lembe ngo kum kakeni ma leng’, man kum cik de: 14kum wawinjo ewacu ya Yesu maeni ma Nazareti binyotho kakeni, man ebiloko kura ma Musa mio iwa. 15E kagi ceke ma gibedo i dilo, ma gikonjo wang’gi i kume, gineno wang’e calu en e wang’ malaika.

will be added

X\