Acts 3

1Nie Petro giku Yohana gibeidho malu i hekalu i saa mi rwo ma en e saa mir abung’wende. 2E ng’atu moko ma en e jarabala kud i min, jubejuyeye ku ba piny ku ba rupiny jukethe dhugola mi hekalu ma julwong’o Leng’ kara ekwai giramia ba ju m’ucikumondo i hekalu; 3ma kan eneno Petro giku Yohana gidhingo mondo i hekalu, epenjo ya egam giramia. 4E Petro giku Yohana, ma gitono wang’gi i kume, giwacu kumae, Nen bang’wa. 5E eciko ithe i bang’gi, ewacu nyo ebigamu gin moko i bang’gi. 6Ento Petro wacu kumae, Mola ma tar ku mola ma kwar de ambe ko; ento gin m’abedo ko, maeno amio iri. Ku nying Yesu Kristu ma Janazareti, wothi. 7E emake ku cinge ma yor acwic, man eting’e malu: e aruca ruca nica tiende ku cogo ma ng’ut tiende de maku tego. 8Egam epor malu, ecungo, emaku wotho; man emondo kugi i hekalu, m’ewotho, ku por malu, ku paku Mungu de. 9Man dhanu ceke ginene m’ewotho ku paku Mungu de: 10e ging’eyo, nia en e ng’atu ma naka bedo pi giramia Dhugola Maleng’ mi hekalu; e gipoi igi de wang’ lii kum gin m’utimbre i kume. 11E kinde m’emaku kum Petro giku Yohana, dhanu ceke giring’ni karacelo i bang’gi ma igi wang’ lii, i pondot ma julwong’o pondot pa Suleman. 12Man ka Petro neno maeni, edwoko lembe ni dhanu kumae, Wu dhanu pa Israel, iwu wang’ lii kum ng’atuni nedi? kadi wutono weng’wu i kumwa nedi, calu ya waketho ewotho wan ku tego mwa giwa kadi ni kum bedo mwa ma ayi Mungu ni i kume? 13Mungu pa Ibrahim, ku pa Isak, ku pa Yakobo de, Mungu pa kwaruwa, eyungo Jatic pare Yesu; ma wumie, wukwere bende i wang’ Pilato, kan eyenyo egonye. 14Ento wukwero Ng’atu Maleng’ ma Pwe de, wudong’ wulwong’o janek e ma jumi iwu, 15man wunego Jathek kwo; ma Mungu ketho ecer ku kind ju m’utho; wa jumulembe de kum maeni. 16Man ni kum yic mi nyinge e nyinge dwoko ng’atuni tek, ma wuneno wung’eyo de: eyo, yioyic ma ni kume e m’uketho ng’atuni doko cu ma ndhu i vutwu ceke. 17Nie, umego, ang’eyo wutime cobo, calu ma jubim mu bende gitimo. 18Ento gin ma Mungu lar unyutho ku dhu jubila ceke, nia Kristu pare bisendre, eketho etimbre kakare kumeno. 19Ka kumeno wulok cwinywu, man wulokru kendo, kara dubo mu kabre woko, kara nindo mi yepocwiny uai i vut Rwoth; 20man kara eor Kristu ma yang’ eketho iwu, en e Yesu: 21ma polo kojole be cil i nindo mi dwoko gin ceke, ma yang’ Mungu yero pire ku dhu jubila pare maleng’ ma ginuti por eca ngi. 22Musa wacu andha kumae, Rwoth Mungu biting’o jabila iwu kud i kind juwedu, ma calu an; wubiwinjo gin ceke de i bang’e ma tek eyero iwu. 23E gini bitimbre, nia ku ba dhanu ceke ma biwinjo jabila maeno ngo, gibinyothri ndhu kud i kind dhanu. 24Eyo jubila ceke m’ugambre kum Samwil ku ju ma gliubo ng’eye de, kagi ceke ma yang’ giyero, gin bende giyero pi cenguni. 25Wun wu wot jubila, man mi lembariba ma Mungu timo ku kwaruwu, m’ewacu ko ni Ibrahim kumae, I kodhini thek ceke m’i ng’om binwang’u mugisa. 26Mungu m’edaru ting’o Jatic pare malu, elar eore iwu kara emi iwu mugisa, ku lokowu kubeng’wu kubeng’wu kum camuco mu.

will be added

X\