Acts 15

1E dhanu moko giai i Yahudi giloro piny man giponjo umego, giwacu kumae, Tek wutimo yaa ngo calu kura pa Musa, wucopo both ungo. 2E ka Paolo giku Barnaba gibedo ku piem ku penji dit i kindgi ku joca, e umego ging’olo ya Paolo giku Barnaba, ku juwagi mange, giidh Yerusalem ba jukwenda ku judongo kum penji maeni. 3Ka kumeno, gi ju ma kanisa belwokogi i yo migi nica, gikadhu kud i Foiniki ku Samaria de, ma giyero pi lokocwiny mi Thekdhanumange: e ginyayu mutoro ma dit i umego ceke. 4E ka giwok Yerusalem kanisa ku jukwenda man judongo de gijologi, e gigonyo pi gin ceke ma Mungu timo kugi. 5Ento jumoko mi pokri mi Jufarisayo m’uyio gicungo, giwacu kumae, Maku jutim yaa i kumgi, jucik igi de ya giwor cik pa Musa. 6E jukwenda ku judongo gicokri karacelo niporo lembe maeni. 7E yo ng’ei penji ma dupa de, Petro cungo, man ewacu igi kumae, Umego, wung’eyo nia rundica Mungu goyo wia kud i kindwu, kara Thekdhanumange winj lembanyong’a ma juboth ko ma i dhoga, giyi de. 8Man Mungu, ma ng’eyo adunde, enyutho lembe igi, m’emio igi Tipo Maleng’, cil calu emio iwa; 9man ekoyowa tung’ wakugi ngo, elonyo adundegi de ni kum yioyic. 10Nie ka kumeno wumulo i Mungu nedi, ma wuketho ko mberembere i ng’ut julub ma kwaruwa ku wan de yeyo loyowa e? 11Ento wayio ya wabiboth ni kum bero pa Rwoth Yesu, calu gin. 12E udul dhanu ceke giling’ ti; gidong’ giwinjo Barnaba giku Paolo ma gibegonyo pi giranyutha ku musana de ma Mungu timo kugi i kind Thekdhanumange. 13Yo ng’ei bedo ling’ migi, Yakobo loko lembe, ewacu kumae, Umego, wuwinj dwanda: 14Simeon ugonyo iwa maram yang’ Mungu liewo ko Thekdhanumange ku kwong’a kara ewodh dhanu moko kud i kindgi pi nyinge. 15E lembe nini ripo gbe ku lembe mi jubila; calu egore kumae, 16Yo ng’ei gin maeni abidwogo, Abiting’o hema pa Daudi m’upodho kendo; Man abiting’o ginde m’ubam kendo, Abiketho ecungo de: 17Kara dong’ dhanu m’udong’ uyeny Rwoth, Ku Thekdhanumange ceke ma nyinga lwongre i kumgi, 18Rwoth uwacu en, m’eketho gin maeni ng’eire ugambre por yang’ con. 19Kum kumeno awacu para, nia ku wanyai can i ju ma Thekdhanumange m’uloko cwinygi ni Mungu; 20ento dong’ wagoru igi, ya giceri ni acidi mir ayi gin m’acwia, ku tarwang’, ku gin ma judeyo adeya de, man ku rimo. 21Kum Musa bedo ku dhanu m’uyero pire ku bang’ adhura ceke, ma jusomo i kacokri ku ba ceng’ sabatu ugambre kum dhanum’utuk ma con. 22E elund ebedo ber ni jukwenda ku judongo de, ku kanisa ngung’, ya gigoi wi dhanu moko mi juwagi, giorgi de Antiokia karacelo ku Paologi man Barnaba; nying’ dhanune, Yuda ma julwong’o Barsaba, giku Sila, ma judongo ma kind umego: 23e gioro lembe kumae i cing’gi, Jukwenda kud umego ma dongo, ni umego ma gi mi Thekdhanumange i Antiokia, ku Cami, man Kilikia, moth iwu: 24Kum wawinjo nia jumoko m’uai i bang’wa gisendowu ku lembe, ma giloko ko ng’eyong’ec mu; ma wakumio igi lembang’olane wan ungo; 25ebedo ber iwa, ma cwinywa ripo acel, ya wagoi nying’ dhanu waor i beng’wu karacelo ku jumer mwa ma Barnaba ku Paolo, 26gi ju ma cwinygi ai kum kwo migi pi nying Rwoth mwa Yesu Kristu. 27Ka kumeno waoro Yuda giku Sila, gin bende gibiyero lembuno gin ku dhoggi. 28Kum ebedo ber ni Tipo Maleng’, iwa de, ya ku waketh ter i wiwu ma sagu gin maeni m’ubedo dre: 29ya wuceru ni gin ma julamu ni ayi gin m’acwia, man kum rimo, man kum gin ma judeyo adeya, man kum tarwang’; tek wugwokru ni gin maeni nwang’u ebibedo ber iwu. Dong’ wubedi. 30Kum kumeno joca, ka jucikogi, giloro piny Antiokia; man ka gicoko udul dhanu karacelo, gimio igi waraga. 31E ka gisomo, anyong’a negogi dit kum jukne. 32Man Yuda giku Sila, ma gin bende gi jubila, gijuko umego ku lembe dupa, giteng’o kogi. 33E ka girio kuca nindo moko, e jucikogi ku bang’ umego ma cwinygi kwio ma gidok ko ba ju m’uorogi. 34Ento ebedo ber ni Sila ya ebed kuca. 35Ento Paolo giku Barnaba re gidong’ migi Antiokia, ma gibeponjo gibeyero lembe pa Rwoth, giku juwagi mange bende dupa. 36Ka ceng’ moko kadhu Paolo wacu ni Barnaba kumae, Dong’ wadok kendo walieu umego ku bang’ adhura ceke ma wayero ie lembe pa Rwoth, wanen maram gibedo ko. 37E Barnaba yenyo ya gici giku Yohanagi bende, ma julwong’e Marko. 38Ento Paolo ie wacu ya e ber ungo gici kugi en m’ewekogi Pamfulia, gicidho gikugi ngo i tic. 39E giloko dhoggi ngle, ketho gipokri, e Barnaba dong’ ugamu Marko, e ma gidong’ gicidho gikude Kupro ku yo mi pi: 40ento Paolo dong’ ufoyo pare Sila, e ma giwotho gikude, kan umego daru thierogi ni bero pa Rwoth. 41Man ekadhu kud i Cami ku Kilikia, m’eteng’o ko kanisa.

will be added

X\