Acts 11

1Nie jukwenda kud umego ma ni i Yahudi giwinjo nia Thekdhanumange bende gijolo lem pa Mungu. 2E ka Petro idho Yerusalem, ju ma gi weg yaa gipiemo gikugi, 3giwacu kumae, Imondo ba dhanu ma weg yaango, wucamu wukugi de. 4Ento Petro theko, man ekoro igi lembe ceke m’utimbre ku there, ewacu kumae, 5Nwang’u ani i adhura rni Yopa aberwo: e ka piny urwinyo kuda biti aneno ginmawokiwang’, gin moko beloro, calu bongu ma dit ma julure kud i polo ku gunde ang’wen; ram etundo ko cil i bang’a: 6e kan aneno gica tel, ia pido pire de, aneno lim m’i ng’om ma tiendgi ang’wen ang’wen ku yedi m’i thim ku gin ma lak i ng’om man winyo ma kor polo de. 7E awinjo dwal bende m’uwacu ira kumae. Ai malu, Petro; ineg icam. 8Ento awacu kumae, Kumeno ngo, Rwoth: kum fodi gin ma sai kadi gin m’ucido de kumondo i dhoga ngo. 9Ento dwal udwoko lembe kud i polo wang’ arionde kumae, Gin ma Mungu lonyo, kud idwoke ni gin ma sai. 10Gica timbre wang’ adek: e juywaye kendo pet i polo. 11Man nen, ndhu ndhu nica dhanu adek gicungo nyim ot ma wabedo i ie, ma juoro i bang’a uai i Kaisaria. 12E Tipo wacu ira ya waci wakugi, dhanu kud ubed tung’ tung’ i wang’a. E umego abusiel maeni de wacidho wakugi; wamondo de i ot pa ng’atuca wakugi: 13man ewacu iwa maram eneno ko malaika m’ucungo i ot pare, m’uwacu kumae, Or kwenda cidh i Yopa, ulwong’ Simon, ma julwong’o Petro; 14m’ebiyero iri lembe, m’ibiboth kudo, in ku juodi ceke. 15E kan amaku yero, Tipo Maleng’ upodho i wigi, cil calu epodho i wiwa ku kwong’a. 16E apoi pi lembe pa Rwoth, maram ewacu ko kumae, Yohana mio baputisi andha ku pi; ento wun re wubimaku baputisi ku Tipo Maleng’. 17Ka kumeno tek Mungu mio igi giramia ma calku ma yang’ emio iwa bende, kinde ma wayio ni Rwoth Yesu Kristu, ka an ke an a ng’a, m’acopo jai ni Mungu e? 18E ka giwinjo gin maeni, giling’, man giyungo Mungu, giwacu kumae, Kara Mungu mio lokocwiny ma ni kwo ni Thekdhanumange bende. 19Ka kumeno ju ma julalugi nge nge kum masendi m’uwok kum Stefano gicidho cil i Foiniki, ku Kupro, rnan i Antiokia, ma giyero ko lembene ni jumange ngo ndhu ni Juyahudi kendgi. 20Ento jukucel m’i kindgi, gi dhanu mi Kupro ku mi Kurene de, ma, ka gibino Antiokia, giyero ni Juyunani bende, e giponjogi ku pi Rwoth Yesu. 21Cing Rwoth de ni i bang’gi: e udul mi ju m’uyio gilokri ba Rwoth. 22E rwonglembe migi tuc i ith kanisa ma ni i Yerusalem: e gioro Barnaba agbele i Antiokia: 23ma, kinde m’ewok, eneno bero pa Mungu de, mutoro nege; edong’ eponjogi ceke nia ku tego mir adundegi gimok ndhu kum Rwoth: 24kum en e ng’atu ma ber, man Tipo Maleng’ urome ku yioyic bende: e dhanu dupa gimedri ba Rwoth. 25E ecidho Tarso ku yenyo Saul; 26e kan enwang’e edwogo kude Antiokia. Etimbre de, nia gibegicoko dhoggi karacelo ku jukanisa rundi acel bo, e giponjo dhanu dupa; e jular julwong’o julub Jukristu i Antiokia. 27Nie ceng’ nica jubila giai i Yerusalem giloro piny Antiokia. 28Ng’atu acel m’i kindgi ma nyinge Agabu ai malu, man eewo ku Tipo nia ndru ma dit bipodho i ng’om ngung’: etimbre de i ceng’ pa Klaudio. 29E julub kubang’gi ceke gikeco ya gior piny ma kakorgi bang’ umego ma gini i Yahudi 30ma gitimo bende, gioro ba judongo ku cing’ Barnaba giku Saul.

will be added

X\