Acts 1

1Lembagora ma kwong’a m’atimo, E Theofilo, pi gin ceke ma Yesu maku timo ku ponjo de, 2cil i ceng’ ma jujole ie malu, yo ng’ei lembang’ola m’eng’olo ni kum Tipo Maleng’ ni jukwenda ma yang’ egoyo nying’gi: 3man ku ng’ei masendi pare enyuthre gire igi ma kwo ku gin dupa ma piembre ngo, m’ewok ko i wang’gi nindo pier ang’wen, m’eyero ko pi gin mi ker pa Mungu de: 4man, ka gicokri karacelo gikugi, eng’olo igi ya ku giwok kud i Yerusalem, ento dong’ gikur lembang’ola ma Wego ng’olo, ma, ewacu, yang’ wuwinjo i bang’a: 5kum Yohana mio baputisi ku pi andha ento wun re wubimaku baputisi ku Tipo Maleng’ ma fodi nindo dupa kukadhu ngo. 6Ka kumeno, ka gicokri karacelo, gipenje, giwacu kumae, Rwoth, idwoko ker ni Israel nindo maeni? 7E ewacu igi kumae, Meni iwu ngo ma nia wung’ei nindone kadi orone, ma Wego ketho gire ka tegone. 8Ento wun wubinwang’u tego, nwang’u Tipo Maleng’ uwok i wiwu: man wubibedo jumulembe para i Yerusalem, man i Yahudi ngung’ ku Samaria de, man cil i tung’ ng’om bende. 9E kan edaru yero lembe maeni, kinde ma gibenene, e juting’e malu; afuru de jole kud i wang’gi. 10E kinde ma gibeneno i polo tel nwang’u ebecidho, nen. dhanu ario gicungo i vutgi ku kendi ma tar; 11ma giwacu bende kumae, Wu dhanu mi Galilaya, wucungo wubeneno i polo nedi? Yesu maeni, ma jujole kud i kindwu malu i polo no, ebibino kumeca calu ma wunene ram ecidho ko i polo. 12Gilund gidok Yerusalem ma giai ko wi got Zeituni, m’e kago ku Yerusalem, woth ma juwotho ko mi ceng’ sabatu. 13E ka gidaru mondo i ie, giidho i ot ma malu, ka ma gibedo i ie; Petro giku Yohana man Yakobo kud Andrea, Filipo giku Thoma, Bartolomayo giku Matayo, Yakobo wod Alfayo, man Simon Zelote, man Yuda wod Yakobo. 14Joni ceke gibedo ru kum rwo ku cwinygi m’uripo acel, karacelo ku mon, man Mariamu ma min Yesu, ku utumin mire de. 15Ceng’ nica Petro cungo malu i kind umego, (nwang’u udul dhanu gicoko dhoggi karacelo, giyenyo romo dak acel ku pier ario,) ewacu kumae, 16Umego, meni lembagora pa Mungu ma yang’ Tipo Maleng’ uyero ku dhu Daudi pi Yuda, m’e jatel wi ju m’umaku Yesu, uol utimbre be kakare. 17Kum jukwane wakugi, man enwang’u maka pare i tic maeni. 18(Nie ng’atuni ng’iewo podho ku sukulia mi camuco pare, e egam epodho agura wie, e dieie kak, cindie ceke de ole woko. 19Lembene meny ma dhanu ceke m’i Yerusalem ging’eyo; ketho julwong’o podho maeni ku dhu thugi kumae, Akeldama, thelembene kumae, Podho mi rimo.) 20Kum egore kumae i kitabu mi Zaburi, Wek kabedo pare dong’ ndhu kende, Ng’atu moko kud ubed i ie: man, Tic pare dong’ ng’atu mange maki. 21Ka kumeno kud i kind dhanu ma wabedo ru wakugi por ma Rwoth Yesu bedumondo man ebedewok ko woko kud i kindwa, 22ugambre kum baputisi ma Yohana mio, rama ceng’ uwok ko ma juting’e ie malu kud i kindwa, i kind joni maku ng’atu acel wadok jumulembe wakugi be pi cer pare. 23E giketho juario, Yusuf ma julwong’o Barsaba, ma won mire nyinge Yusto, man Matia. 24E girwo, giwacu kumae, In, i Rwoth, m’ung’eyo adunde dhanu yu, nyuth ng’atu m’ifoyo ku kind juario maeni, 25kara elag kaka i tic maeni ku mi kwenda bende ma Yuda podho i ie, kara eci gire kakare ma dhe. 26E gituro wel i wigi; man wel upodho wi Matia; e jukwane ku jukwenda apar wi acel.

will be added

X\