2 Timothy 4

1Ang’olo iri i wang’ Mungu, giku Kristu Yesu, m’ebipoko lembe mi ju ma kwo ku mi ju m’utho bende, man ku kanyuth pare m’ebinyuthre ko ku ker pare bende: 2yer lembe; tim tije i nindo ma juketho, kud i nindo ma juketho ngo bende; twiny twiny, juk juk, thok thok de, ku mwonyo lembe ceke ma jumwonyo hai man ku ponji de. 3Kum rundi biwok ma gibiciro ie ponji ma alili ngo; ento, gi ju ma ithgi woi swa kum lembe, gibicoko juponji i bang’gi gigi ma awanya ma rac migi cal cal; 4man gibibayu ithgi woko kum lemandha, e gibikier tok lembuda. 5Endre dong’ ibed nger kum gin ceke, muli ku can, tim tic pa jayer lembe, keth tic peri timbre kakare. 6Kum an kawono jubekonja woko, man nindo mi ai para m’aai ko woko tundo. 7Adaru kiedo lwiny ma ber, adaru wot.h para atundo kajikne, agwoko yioyic bende: 8ugambre kawono jamkermiwic mi bedopwe, judaru kanu ira, ma Rwoth, ma japoklembe ma pwe, bimio ira i ceng’ maeca; endre ira a kenda ngo, ento ni dhanu ceke bende m’umaru nyuth pare m’ebinyuthre ko. 9Tim k’amora ya ibin fodi nyanok i bang’a: 10kum Dema weka, m’emaru ng’om maeni ma kawono, man ecidho Tesaloniki; Kreske de cidho Galatia, Tito ke Dalmatia. 11Luka kende m’udong’ i bang’a. Cok Marko, wubin wukude; kum ebedo ni kuloka ira kum tim nr’etimo. 12Ento Tukiko adaru oro Efeso. 13Koti m’aweko Troa ba Karpo, ibin kude kan ibino, ku kitabu de, ma sagu ceke re waraga no. 14Iskander ma jathiedh nyunyu etima rac dit: Rwoth bimio ire rom ku tic pare: 15in bende ibed ku weng’i i kume; kum ejai dit kum lembe mwa. 16I cungo para m’alar acungo ng’atu moko mbe ma wacungo wakude, ento dhanu ceke giweka: ayenyo ku judwok lembene i wigi. 17Ento Rwoth re wacungo wakude, man emio ira tego; kara lembe mir anyong’a uyere dit ni kuma, kara Thekdhanumange de ceke giwinji: e aboth ku dhu umvor. 18Man Rwoth bibodha ni tic ma rac ceke, man ebigwoka cil i ker pare m’i polo: dwong’ ubed ire rondo ku rondo. Amen. 19Moth Priskila, gikud Akula de, ku juot pa Onesiforo. 20Erasto re dong’ i Korinto: ento Trohmo aweke i Mileto ma kume lith. 21Tim k’amora ya ilar ibin ma fodi nindo mi koyo kuwok ungo. Eubulo de mothi, man Pudente, man Lino, giku Klaudia, kud umego de ceke. 22Dong’ Rwoth ubed ku cwinyi. Dong’ bero bed i beng’wu.

will be added

X\