2 Thessalonians 2

1Nie wakwayuwu, umego, pi bino pa Rwoth mwa Yesu Kristu, man cokri mwa ma karacelo i bang’e; 2kara pidoiwu kud uring rr pio pio, kadok ang’aba de kud eng’abre, kadi ni kum tipo, kadi ni kum lembe, kadi ni kum waraga ma juwacu nyo ai i bang’wa, nia ceng’ pa Rwoth udhingo; 3kud wuyi ng’atu moko bombwu i yo moko ki: kum ceng’ nino biwok ungo, tek wingri kularuwok ungo, man ng’atu mi dubo de fokunyuthre ngo, ma en e wod nyoth, 4en m’ejai etingre gire kum gin ceke ma julwong’o ya Mungu kadi ma jurwo i bang’gi de; ketho ebedo i hekalu pa Mungu, m’ekethre gire ya en e Mungu. 5Wupoi ungo, nia, ma fodi wanuti wakudu, ayero iwu gin maeni? 6Man kawono wung’eyo maeno m’ucero, kara ebin enyuthre i nindo pare gire. 7Kum giramung’a mi camuco ubetimbre kawono: ento ng’atu acel nuti m’ubecero kawono, cil ma jubikabe woko kud i yo. 8E jaco nino bilund nyuthre, ma Rwoth Yesu binege ku lietho m’i dhoge, man ebidwoke mananu ku nyuth mi bino pare: 9en e ng’atuca, ma bino pare en e calku tim pa Jok ku tego ceke man giranyutha ku musana mi ndra, 10man i abombi ceke mi gondri ni ju m’urwinyo; kum gijolo mer mi lemandha ngo, kara gibothi. 11Kum lembe nini Mungu oro igi tego mir awondi, kara giyi ndra: 12kara gin ceke jubin jupok lem migi gi ju m’uyio lemandha ngo, ento gibedo migi kud anyong’a i gondri. 13Ento maku wami foyofoc ni Mungu thiri thiri piwu be, umego ma jumer pa Rwoth, kum nia Mungu goyo wiwu ku kwong’a ni both i dwokrileng’ mi Tipo ku yioyic nn lemandha: 14elwong’owu ni maeni ni kum lembanyong’a mwa ma juboth ko, kara wunwang’ dwong’ pa Rwoth mwa Yesu Kristu. 15Kum kumeno, umego, wucung ki ki ki, wumok kum ponji ma juponjo kowu, kadok ku lembe, kadi ku waraga mwa. 16Nie Rwoth mwa ma Yesu Kristu en, man Mungu ma Wegwa m’emaruwa m’emio iwa juk mi nja ku genogen ma ber ni kum bero, 17ejuk adundewu man eketh ginyang’ i tic ceke ma ber kubang’gi kubang’gi ku lembe bende.

will be added

X\