2 Peter 3

1Jumer, maeni waraga mir arionde m’agoro iwu; i gin ario de ayau pidoiwu ma leng’ ku ketho wupoi; 2kara wupoi kum lembe ma jubila maleng’ ular uyero, ku lembang’ola pa Rwoth Jalar ni kum jukwenda mu: 3ma wung’eyo ko maeni, nia jucac gibibino ku cac i acokaceng’, ma gibelubo tok awanya rnigi ma rac, 4ma giwacu de kumae, Lembang’ola mi bino pare nikani? kum, ugambre i ceng’ ma kwaruwa gamu nindo i ie, gin ceke bedo calu ma yang’ ugambre i thangambere mi giracwia pa Mungu. 5Kum wigi wil kum lembe nini aka, nia polo nuti ugambre con, ng’om de moko yo ng’ei pi man i pi, ni kum lembe pa Mungu; 6ni kum maeno ng’om ma nwang’u nuti umwony ku pi, enyothie; 7ento polo ma nuti kawono, ku ng’om de, jukanugi ni mac ni kum lembe ma calacel, jugwoko ni ceng’ mi pokolembe man nyoth mi dhanu ma ayi Mungu mbe i kumgi. 8Ento, jumer, wiwu kud uwil kum lembe acel maeni, nia ku ba Rwoth ceng’ acel calu rundi rubanga, man rundi rnbanga calu ceng’ acel. 9Rwoth galu ngo kum lembang’ola pare, calu jumoko kwanu galu; ento emwonyo lembe hai iwu, kum eyenyo ngo nia ng’atu moko rwiny, ento nia dhanu ceke gitund ba lokocwiny. 10Ento ceng’ pa Rwoth bibino calu jakwo; ceng’ nica polo bikadhu woko ku bamor ma dit, man giki m’i ie de biloi ni lietho mac ma wanga wanga, ng’om de ku tic ma ni ie biwang’ pet. 11Kum giki maeni biloi ceke kumeni, maku wubed dhanu ma kothwu nenedi? ku bedo ceke ma leng’ man bedo ma ayi Mungu ni i kume, 12ma wuki kud ava ma dit bino mi ceng’ pa Mungu, ma ni kum maeno polo ma mac ubewang’e biloi, giki ma ni ie de biloi ku lietho mac ma wanga wanga? 13Ento, calku lembang’ola pare, wabekio polo ma nyen ku ng’om ma nyen, ma bedopwe bedo i ie. 14Kum kumeno, jumer, kum wukio gin maeni, tim kud amora kara jubin junwang’wu ma cwinywu kwio, ma poyo mbe lembe de mbe i wiwu i wang’e. 15Man wukwan nia mwonyolembe ma Rwoth mwa mwonyo hai en e both; cil calu umegwa ma jamer Paolo bende, calku rieko m’umire ire, ugoro iwu; 16calu i waraga pare ceke bende, m’ebeweco i igi pi giki maeni; ma gin moko de nuti i igi ma ng’eyo there tek, ma ju ma cobo ku ju m’ucungo tek ungo giloke tung’, calu giloko lembagora mange pa Mungu bende, ni nyoth migi gigi. 17Ka kumeno, jumer, wun ma wular wung’eyo gin maeni, wukuru, kara kier rni dubo kud uwingwu, wupodh de ku kum cungo tek mu. 18Ento wudong i bero ku ng’eyong’ec pa Rwoth mwa man Jalar Yesu Kristu. Dwong’ ubed ire kawono man rondo ku rondo. Amen.

will be added

X\