2 John 1

1Jadit ni dhaku ma jugoyo wie ku nyithindhe bende, m’amaru i lembe mandha; man an a kenda ngo, endre ku dhanu ceke ma ging’eyo lembe mandha bende; 2ni kum lembe mandha nini m’ubedo i iwa, man ebibedo i bang’wa nja: 3Bero, ku kisa, ku kwiocwiny bibedo i bang’wa, m’uai ba Mungu ma Wego, man Yesu Kristu, ma Wod Wego, i lemandha ku mer de. 4Anyong’a nega dit kum anwang’u nyithindho peri moko ubewotho ku lemandha, cil calu wajolo cik m’uai ba Wego. 5E kawono akwei, dhaku, calu ya agoro iri cik ma nyen ungo, ento maeno ma wabedo ko ku kwong’a, ya wamara. 6Man merne e eni, ya wawoth calku cik pare. Cikne e eni, cil calu ma wuwinjo ku kwong’a, ya wuwoth i ie. 7Kum weg awondi dupa giwok gimondo i ng’om, ndhu ju ma gituco ngo nia Yesu Kristu bino ku kum. Maeni en e jawondi man japiem Kristu. 8Dong’ wubed ku weng’wu i kumwu giwu, kara kud wurwiny gin ma watimo, endre wunwang’ sukulia m’ubedo dho. 9Ng’atu ma tek jawipiro ma en ke eni i ponji pa Kristu ngo, nwang’u Mungu mbe kude: ng’atu ma ni i ponji nini, e ng’atuni e m’ubedo ku Wego man Wod bende. 10Tek ng’atu moko bino i beng’i, ma k’ekelo ponji maeni ngo, kud ijole i ot peri, man kud imothe de: 11kum ng’atu m’umothe nwang’u giribri gikude i tic ma rac pare. 12Kum abedo ku gin dupa m’agor iri, ayenyo ngo agor ku waraga man vino: ento ageno ya abibino i beng’i, kara ayer ma wanendra ku wang’wa, kara mutoro mu urom kakare. 13Nyithindho pa nyameru ma jugoyo wie gimothi.

will be added

X\