2 Corinthians 6

1E wan ma wabetimo karacelo wakude wabethokowu bende ya kud wujol bero pa Mungu mananu 2(kum ewacu kumae, I nindo m’uyire awinjoi, Man i ceng’ both akonyi: nen, kawono en e nindo ma yire; nen, kawono en e ceng’ mi both): 3ma wabemio ko kakier i gin moko ngo, kara timotim mwa ubed ma titi mbe i wie; 4endre wabefoira giwa i gin ceke, calu jutim pa Mungu, i twiocwiny ma dit, kud i can, ku can piny m’unegowa, ku lem ma tek, 5ku wang’ goc, ku kol, i yakni, kud i tic ma jumuli ko, kud i kurokur, kud i kwirocam; 6kud i bedo ma ijo bedo ko leng’, i ng’eyong’ec, i mwonyolembe ma jumwonyo hai, ku bedo ber ku dhanu, i Tipo Maleng’, i mer ma abombi mbe i ie, 7i lembe mi lemandha, man i tego pa Mungu; ni kum jamtho mi bedopwe yo ku cing’ ma yor acwic ku yo ku cing’ ma yor acam bende, 8ku dwong’ man umbe yung, ku rwonglembe ma rac man rwonglembe ma ber; calu jubombi, e karaman andha; 9calu jukung’eyo ngo, e karaman jung’eyo cu; calu wabetho, karaman nen, wabedo kwo; calu jubeponjo aponja ma tek, e jukunego anega de ngo; 10calu ma can ubenego anega, karaman anyong’a benego thiri thiri; calu can piny ubenego, karaman m’ubelonyo dhanu dupa; calu ju ma weg gin moko ngo, karaman weg gin ceke. 11Dhogwa bedo ang’ama iwu, E Jukorinto, adundewa doko dit. 12Wubedo arida i iwa ngo, ento wubedo arida i iwu giwu. 13Nie pi culocul ma calcal (ayero calu ni nyithindha), e wun bende wudok dit. 14Kud wutwiru karacelo ku ju ma gi juyic ungo ma pigi tung’ ku piwu: kum ribri manedi ma ni i kind bedopwe giku camuco? kadi ribri ma der giribri ko giku mudho ni kani? 15Ribri manedi ma Kristu giribri ko giku Beliali? kadi jayic ubedo ku maka pare manedi giku jayicungo? 16Ribri manedi ma hekalu pa Mungu giribri ko gikud ayi gin m’acwia? kum wan wa hekalu pa Mungu ma kwo; cil calu Mungu wacu kumae, Abibedo i igi, man abiwotho i igi; man abibedo Mungu migi, man gibibedo dhanu para. 17Kum kumeno Wuai woko kud i kindgi, man wubed tung’, Rwoth uwacu, Man kud wumul gin m’ucido; E abijolowu. 18Man abibedo iwu ni Wego, Man wubibedo ira ni wota ku nyiga, Rwoth ma Jategokpo wacu.

will be added

X\