1 Thessalonians 4

1Aha a, umego, wakwayuwu man wajukowu i Rwoth Yesu, nia, calu wu jolo i bang’wa maram maku wuwoth ko wunyai ko mutoro Mungu, cil wubewotho, kara wusegru kendo kendo. 2Kum wung’eyo maram lembang’ola ma wamio iwu ni kum Rwoth Yesu bedo ko. 3Kum maeni en e yeny ma Mungu yenyo, ndhu dwokrileng’ mu, nia wuceru ni tarwang’; 4nia ku ba dhanu nzu m’i kindwu ng’atuman ung’ei bimo kume gire i dwokrileng’ man i yung, 5i ayiri mir awanya ma rac ungo, cil calu Thekdhanumange ma kung’eyo Mungu ngo; 6ng’atu moko kud ukadh kieu, etim rac de bang’ umin i lembe nini: kum Rwoth en e jacul kwor kum gin maeni ceke, calu wan bende walar wapoyowu man watuco. 7Kum Mungu lwong’owa pi sasa ngo, endre i dwokrileng’. 8Ka kumeno ng’atu m’ukwero, meca ekwero dhanu ngo, ento Mungu, m’emio Tipo Maleng’ pare iwu. 9Ento pi mer mi utumego can lembe ma nia ng’atu moko gor iwu negowu ngo: kum Mungu ponjowu giwu ya wumeru; 10kum wutime andha ni umego ceke ma gini i Makedoni ngung’. Ento wajukowu, umego, kara wusegru asaga; 11man iwu pid ya wubed yo, ya wutim tic ma mu bende, ya wutim tic ku cingwu, cil calu wang’olo iwu; 12kara wuwoth calu m’umaku piny ni ju ma woko, man kara can gin moko kud unegwu. 13Ento wayenyo kud wubed cobo pi ju m’unindo, umego; kara can kud unegwu, cil calu dong dhanu, ma genogen umbe kugi. 14Kum tek wayio nia Yesu tho man ecer kendo, kumeno ju ma ginindo i Yesu bende Mungu bikelogi gikugi. 15Kum wawacu maeni iwu ku lembe pa Rwoth, nia wan ma wabedo kwo, ma wadong’ ni bino pa Rwoth, wabitelo yo ki ngo ni ju ma ginindo. 16Kum Rwoth ku kite biai i polo biloro piny, ku kok ma dit, ku dwand malaika ma dit de, man kud agwara pa Mungu bende: e ju m’utho i Kristu gibilar cer; 17e ka wan ma wabedo kwo, ma wadong’, jubilund ting’owa malu wakugi i afuru, nirombo ku Rwoth i lietho; e kumeno wabidong’ bedo nja ku Rwoth. 18Kum kumeno dong’ wujukru ku lembe maeni.

will be added

X\