1 Peter 5

1Ka kumeno ajuko judongo m’i kindwu, ma an de a jadit wedwu, man jamulembe mi sendri pa Kristu, ma an bende a jarib mi dwong’ ma binyuthre: 2Wukwai udul pa Mungu ma ni i kindwu, wunen wigi de, ma jukucukowu acuka ngo, ento ni kum avane m’unegowu, calku yeny ma Mungu yenyo; kadi kum kuloka ma rac de ngo, endre ku pidoic ma yot; 3kadi kud wurwodh arwodha wi ju ma jukethowu i wigi, endre wukethru ni por ni udul. 4E ka Jakwac ma dit binyuthie, wubigamu jamkermiwic mi dwong’ ma duny woko ngo. 5Wu ju ma nok bende, kumeno, wubed wor ni judongo mu. Eyo, kewu ceke wuronjrn ku molcwiny, ma wutim ko ni juwedwu ng’atuman ni wadi man ni wadi: kum Mungu jul kum jukuhaya, ento emio bero ni ju ma mol. 6Ka kumeno wujwigrn the cing’ Mungu ma tek, kara edodwu ka kakare tundo; 7ma wubol ko adieng’a cwinywu ceke i wie, kum ie bepido piwu. 8Wubed nger, wuki de; jakwojwu ma wonabali, calu umvor m’ubeywak, ubewotho ku ku ku, m’ebeyenyo ko ka ng’atu m’ecam: 9wujul ni ng’atuca ma wubed ko tek i yioyic mu, ma wung’eyo ko nia sendri ma calcal timbre ni juwedwu ma gini i ng’om. 10Man Mungu mi bero ceke, m’elwong’owu ni dwong’ pare ma nja i Kristu, ka wudaru sendru nyanok, en ku kite ebidwokowu cu ma ndhu, ebiketho wunyang’ de, ebiketho wudoko tek. 11Kero bed ire rondo ku rondo. Amen. 12Agoro iwu ku lembe ma nyanok, aoro ku cing’ Siluano, m’umegwa mandha, calu akwane abejuko man abetuco nia maeni en e bero mandha pa Mungu: wucung ki i ie. 13Ng’atu ma jugoyo nyinge wukugi, ma ni i Babeli, umothowu; ku Marko ma woda bende. 14Wumothru ku cwic mi mer. Kwiocwiny ubed i beng’wu ceke wu ju ma wuni i Kristu.

will be added

X\