1 John 1

1Maeno ma nuti ugambre ku kwong’a, maeno ma wawinjo, maeno ma waneno ku wang’wa, maeno ma waneno tel, ma cingwa de mulo, pi Lembe mi kwo 2(kwone de nyuthie, e wadaru neno, wanyutho lembe de, wayero iwu de pi kwo, kwo ma rondo ku rondo, m’ubedo ku Wego, man enyuthre iwa de); 3maeno ma waneno ma wawinjo de wayero iwu bende, kara wun bende wubed ku ripocwiny wakudu: eyo, man ripocwiny mwa ni karacelo ku Wego, man ku Wode Yesu Kristu; 4e wagoro gin maeni kara anyong’a mwa pong’. 5Maeni en e rwonglembe ma wawinjo i bang’e man wayero iwu de, nia Mungu en e der, man mudho tak de mbe i ie. 6Tek wawacu nia wabedo ku ripocwiny wakude enke wawotho i mudho, nwang’u wacwayu ndra, watimo lemandha de ngo: 7ento tek wawotho i der, calu en eni i der, nwang’u wabedo ku ripocwiny ma man ku wadi man ku wadi, man rimb Yesu ma Wode ubelonyowa ni dubo ceke. 8Tek wawacu nia dubo mbe kudwa, nwang’u wawondra giwa, lemandha de mbe i iwa. 9Tek watuco dubo mwa, en e mandha man pwe mi weko dubo mwa, mi lonyowa de ni gondri ceke. 10Tek wawacu nia wadubo ngo, nwang’u wadwoke ni jandra, lem pare de mbe i iwa.

will be added

X\