1 Corinthians 8

1Nie pi gin ma julamu ni ayi gin m’acwia: wang’eyo nia kawa ceke wa weg ng’eyong’ec. Ng’eyong’ec ketho jutingri, endre mer ketho juteng’ni ateng’a. 2Tek ng’atu moko ie wacu nia eng’eyo gin moko, meca fodi eng’eyo ngo ma calu maku eng’ei; 3endre tek ng’atu moko maru Mungu, e ng’atuno Mungu ng’eye. 4Kumeno de pi camu gin ma julamu ni ayi gin m’acwia, wang’eyo nia ayi gin m’acwia en e gin moko ngo i ng’om, man ke Mungu acel kende mange mbe. 5Kum kadok moko nuti ma julwong’ogi ya mungu, kadok i polo kadi i ng’om, calu mungu m’araga gi dupa, man rwodhi de gi dupa, 6ento iwa re Mungu en e acel, ma Wego, ma gin ceke ai i bang’e, ku wan bende i bang’e; man ke Rwoth acel, ma Yesu Kristu, ma gin ceke bedo ni kume, wan bende nikume. 7Ento ng’eyong’ec maeno ni i dhanu ceke ngo: ento jumoko, ma ging’io kud ayi gin m’acwia cil ku kawono nini, gicamu calu ya gicamu gin ma julamu ni ayi gin m’acwia; e pidocwinygi ma ng’ic ca cido. 8Ento cemo dwokowa ber en i wang’ Mungu ngo: kadok, tek wacamu ngo, wakubed rac ma sagu ngo; kadok, tek wacamu, wakubed ber ma sagu ngo. 9Ento wubed ku weng’wu tego mu maeni maru doko ni gin ma redho jo ni ju ma ng’ic; 10kum tek ng’atu moko neni m’i won ng’eyong’ec m’ibedo dhu cemo i hekalu mir ayi gin m’acwia, e ng’atu ma tek e ng’ic nica pidocwinye bidoko tek m’ecamu ko gin ma julamu ni ayi gin m’acwia ca ngo? 11Kum ni kum ng’eyong’ec peri ng’atu ma ng’ic nica erwinyo, en e umego ma Kristu tho pire. 12E kumeno, ka wudubo kum umego, man wucobo pidocwinygi ma nwang’u e ng’ic, meca wudubo kum Kristu. 13Kum kumeno, tek cemo ketho wada kier, abicamu ring’o ngo cil rondo ku rondo, kara kud aketh wada kier.

will be added

X\