1 Corinthians 6

1Ng’atu moko m’i kindwu, ma tek lembe ni i kindgi giku wagi, lworo nege ngo nitere i titi i wang’ weg gondri, ma k’etere i wang’ jumaleng’ ungo? 2Kadi wung’eyo ngo nia jumaleng’ bipoko lembe mi ng’omi? man tek wupoko lembe mi ng’om, wuromo ngo ya wupok lembe ma nyanoki? 3Wung’eyo ngo ya wabipoko lembe mi malaika? mange ma sagu, lembe mi ng’om maeni? 4Ka kumeno tek en e lembe mu ya wupok lembe mi kwo maeni, wuketho ju ma kitgi mbe i kanisa gipoki? 5Ayero eni kara lewic unegwu. Ei, jucopo nwang’u jarieko acel ungo i kindwu ma bicopo poko lembe i kind utumin, 6ento umego cidho i titi kud umego, gicidho de i wang’ ju ma gi juyic ungo? 7Eyo, kawono lembe rocre iwu dit, ma ng’atuman bedo ku lem titi i kindgi giku wadi e. Esagu ngo ya wucir gin ma rac ma jutimo i kumwu? esagu ngo ya wuyi juvugwu? 8Eyo, ento wutimo rac wun giwu, man wuvugo avugi, joni de gin umegwu. 9Kadi wung’eyo ngo ya ju ma gi weg gondri gibicamu ker pa Mungu ngo? ku juwondwu: kadok weg tarwang’, kadi ju ma rwo ni ayi m’acwia, kadok ju ma gigieri swa, kadi ju ma gi calu mon, kadi ju ma timo sasa ku co wagi, 10kadi jukwo, kadi ju ma ketho cwinygi hai kum piny, kadok ju ma andrej kong’o, kadi jucac, kadi weg kuvuga, gibicamu ker pa Mungu ki ngo. 11Jumoko m’i kindwu de naka gi wagi ju ma kumeni: ento julwokowu, ento judwokowu leng’, ento lembe m’i wiwu gonjre i nying Rwoth Yesu Kristu, man i Tipo pa Mungu mwa. 12Cik uyio ira gin ceke; endre gin ceke kubedo ber ira ngo. Cik uyio ira gin ceke; ento akwero ya ku judwoka jamiru mi gin moko. 13Cemo en e mi jambic, jambic ke mi cemo: ento Mungu biketho jambic ku cemo de doko mananu. Ento kum re en e mi tarwang’ ungo, ento ni Rwoth re; Rwoth ke ni kum: 14man Mungu ting’o Rwoth, e ebiting’owa bende malu ku tegone. 15Wung’eyo ngo nia kumwu gi wathkum Kristu? abilund kabu wathkum Kristu woko, man abidwokogi ni wathkum dhaku ma won tarwang’i? Awene. 16Kadi wung’eyo ngo ya ng’atu m’uribre ku dhaku ma won tarwang’ gi kum aceli? kum, Gin ario, ewacu, gibidoko kum acel. 17Ento ng’atu m’uribre ku Rwoth en e tipo acel. 18Wuring tarwang’. Dubo ceke kubang’e ma dhanu betimo ubedo woko i kume; ento ng’atu m’utimo tarwang’ meca edubo kum kume gire. 19Kadi wung’eyo ngo ya kumwu en e hekalu pa Tipo Maleng’ ma ni i iwu, ma wubedo ko m’uai ba Mungu? man ke wu mu giwu ngo; 20kum jung’iewowu ku wel piny: ka kumeno dong’ wuyung Mungu i kumwu.

will be added

X\