1 Corinthians 4

1Wek jukwanwa, calu wa jutim pa Kristu, man ke jukurpiny mi giramung’a pa Mungu. 2Mange ke, ebedo aketha ni jukurpiny ya ng’atuman junwang’e e ng’atu mandha. 3Ento kud i bang’a en e gin ma nyathigi ya wung’i i lembe para, kadi ya dhanu ging’i gin: eyo, ang’io lembe para gira ngo. 4Kum ang’eyo lembe moko ngo ma ni i bang’a; ento lembe m’i wia gonjre ni kum lembe maeni ngo: ento ng’atu m’ung’io lembe para en e Rwoth. 5Kum kumeno kud wupok lembe moko ma fodi nindone kutundo ngo, cil ma Rwoth biwok ko, m’ebiwodho gin m’i mudho m’upondo uwok i der, man ke ebinyutho lembapora mir adunde; e ku ba dhanu ku ba dhanu man bilund bedo ku pak pare m’uai ba Mungu. 6Nie gin maeni, umego, abeloko ya upore ku para ku pa Apolo bende piwu; kara wuponj ng’eyo ni kumwa ya kud wukadh ku wi lembe m’ubedo agora; kara ng’atu moko m’i kindwu kud utingre wi wadi ma ng’atuman tingre wi wadi man wi wadi. 7Kum ng’a m’uketho idok tung’i? man ke girang’o m’ibedo ko ma k’igamu agama iri ngo? ento tek igamu agama, idong’ iheri nedi calu k’igamu agama ngo e? 8Wudaru yeng’, wudaru doko julonyo, wumaku camu ker ma wambe: eyo an de ayenyo ya wucam ker, kara wan bende wacam ker wakudu. 9Kum, ia wacu nyo, Mungu wodhowa ni jukwenda m’e dong’ jik ko ndhu, calu dhanu ma jugonjogi ni tho: kum judwokowa ni giranena ni ng’om, ni malaika ni dhanu bende. 10Wan wa jukusegu ni kum Kristu, wun re ma wu riek i Kristu; wan wa ng’ic, ento wun re wu tek; wun wu weg yung, ento wan re wabedo umbe yung. 11Cil i saa ma kawono nini kec ubenegowa, ku rieu bende, man muneru, man jubesendowa, man ke kabedo mwa ma dhe mbe; 12man wamula ku tic, ma wabetimo ku cingwa giwa: ka jubecayuwa, e wamio mugisa; ka jubenyayu ragedo i kumwa, e waciro; 13ka jubecidowa, e wapaku dhogwa: judwokowa ni susu m’i ng’om ni cilo mi gin ceke, cil ku kawono nini. 14Agoro gin maeni ma nia unyai lewic i wiwu ngo, ento kara ajukwu calu nyithindho para ma jumer. 15Kum kadok juponji mu ma i Kristu gi rubanga apar ngi, ento wegwu re gi dupa ngo; kum anyolowu i Kristu Yesu ni kum lembanyong’a. 16Ka kumeno akwayuwu ma tek, wukwany kotha. 17Kum lembe nini aoro Timoteo i beng’wu, ma en e nyathin para ma jamer man mandha bende i Rwoth, m’ebipoyowu kum yo para m’i Kristu, cil calu abeponjo ku kaka ceke i kanisa ceke de. 18Nie jumoko gitingri, calu ya abebino i beng’wu ngo. 19Ento fodi nyanok abibino i beng’wu, tek Rwoth uyio; e abing’eyo, lembe mi ju ma gitingri ating’a ngo, ento tego re. 20Kum ker pa Mungu eni i lembe ngo, ento eni i tego re. 21Wuyenyo ang’o? abibino i beng’wu kud ukede, kadi ku mer man ku cwiny mi bedoyo?

will be added

X\