1 Corinthians 16

1Nie pir ajok ma ni jumaleng’, calu ang’olo ni kanisa mi Galatia, e wun bende wutim kumeca. 2I ceng’ ma kwong’a ma yenga wun kubeng’wu kubeng’wu wukoi piny wuketh i beng’wu i kakan, calku ma wunwang’u, kara ku jujok ajok moko kan awok. 3E kan awok, dhanu ma tek wufoyogi, e abioro joni ku waraga giter ajok mu Yerusalem; 4man tek emaku ya an bende acidhi, e wabicidho wakugi. 5Ento abibino i beng’wu, nwang’u akadhu kud i Makedoni; kum abikadhu akadha kud i Makedoni; 6ento kuno nyo wabibedo wakudu, kadi cil i nindo mi koyo, kara wuketha i woth para ka ma tek acidho i ie. 7Kum ayenyo anenwu kawono ngo m’akadhu akadha; kum ageno wabirio nindo moko wakudu, tek Rwoth uyio. 8Ento abibedo Efeso maram Pentekote biwok ko; 9kum Mungu daru yabu ira dhugola ma dit mi kuloka ma dit, man ke judegi gi dupa. 10Nie tek Timoteo bino, wunen nia wubed kugi ma lworo mbe i kume; kum etimo tic pa Rwoth, calu an bende atimo: 11ka kumeno ng’atu moko kud ucaye. Ento wukethe i woth pare ma cwinye kwio, kara ebin i bang’a: kum abekurogi gikud umego. 12Ento pi lembe pa Apolo m’umegwa, akwaye wang’ udul ya ebin i beng’wu karacelo kud umego: man eyenyo ki ngo ya ebin kawono; ento ebibino nwang’u nindo m’ubedo ber ire wok. 13Dong’ wukuru, wucung ki ki ki i yioyic, wubed ratego pami co, wubed tek. 14Wek gin ceke ma wutimo utimbre i mer. 15Nie abekwayuwu ma tek, umego (wung’eyo ot pa Stefano, nia en e landu wi mwoka mir Akaya, nia gikethri de gigi ya gitim ni jumaleng’), 16ya wun bende wubed wor ni wagi ju ma kumeno, man ni dhanu ceke kubang’gi kubang’gi ma gikonjri gikugi i tic man gimuli i tic. 17Man afoyo kum Stefano giku Fortunato man Akaiko giwok: kum joni giketho maeni m’urem iwu uwok. 18Kum gidwoko cwinya ku mu bende: ka kumeno dong’ wung’ei wagi ju ma kumeni. 19Kanisa mir Asia gimothowu. Akula giku Priskila gimothowu dit i Rwoth, karacelo ku kanisa m’i ot migi. 20Utumego ceke gimothowu. Wumothru ku cwiocwic ma leng’. 21Moth para an a Paolo gira ku cinga. 22Tek ng’atu moko maru Rwoth ungo, wek ebed anathema. Maranatha. 23Bero pa Rwoth Yesu Kristu bed i beng’wu. 24Merna bed i beng’wu ceke i Kristu Yesu. Amen.

will be added

X\