1 Corinthians 12

1Nie pi giramia mi tipo, umego, ayenyo kud wubed cobo. 2Wung’eyo nia kinde ma fodi wu Thekdhanumange jupeyowu bang’ ayi gin m’acwia ma ajuba, calu ma tek jutelo wiwu. 3Kum kumeno aketho wung’ei, nia ng’atu moko mbe m’ebeyero ku Tipo pa Mungu ma wacu kumae, Yesu en e Anathema; (thelembene kumae, Kwong’ ni i wi Yesu); man ke ng’atu moko mbe ma copo wacu kumae, Yesu en e Rwoth, ndhu ku Tipo Maleng’ re. 4Nie giramia gi tung’ tung’, endre Tipo en e acel. 5Man tic de gi tung’ tung’, Rwoth re en e acel. 6Man tic m’ubetimbre gi tung’ tung’, endre Mungu en e acel, m’ubetimo gin ceke i ceke. 7Ento jumio nyuthonyuth mi Tipo ni dhanu kubang’gi kara unyai igi kuloka. 8Kum ni ng’atu acel jumio lembe mi rieko ni kum Tipo; ni mange ke lembe mi ng’eyo girang’eya, calku Tipo maeni nini: 9ni ng’atu mange ke yioyic, i Tipo maeni nini, man ni ng’atu mange giramia mi keyokum, de i Tipo acel; 10man ni ng’atu mange tego mi musana; man ni ng’atu mange lembila; man ni ng’atu mange ng’ic ma jung’io ko tipo: ni ng’atu mange dhok ma tung’ tung’; man ni ng’atu mange rieko mi loko dhok ma tung’ tung’: 11ento gin maeni ceke Tipo acel maeni nini timo en, m’epoko ni dhanu kubang’gi calu ie yenyo. 12Kum calu kum en e acel, wadhe de gi dupa, man wathkum ceke mi kum, ma gi dupa, gi kum acel; Kristu bende kumeno. 13Kum i Tipo acel jumio baputisi iwa kawa ceke i kum acel, kadok Juyahudi kadi Juyunani, kadok jumiru kadi paker; man juketho ceke umadh kum Tipo acel. 14Kum kum en e wathkum acel ungo, endre dupa. 15Tek tielo biwacu kumae, Kum an a cing’ ungo, an a mi kum ungo; kum kumeno en e mi kum ungo ngo. 16Man tek ith uwacu kumae, Kum an a wang’ ungo, an a mi kum ungo; kum kumeno embe i kum ungo. 17Tek kum kubang’e ceke en e wang’, girawinja ke ni kani? Tek ceke en e girawinja, girang’wia ke ni kani? 18Ento kawono Mungu ketho wathkum kubang’gi i kum, cil calu ie yenyo. 19Man tek kagi ceke gi wathkum acel, kum ke ni kani? 20Ento kawono gi wathkum dupa, endre kum acel. 21Man wang’ copo wacu ngo ni cing’ kumae, Lembe para mbe i beng’i: man kendo kadi wic de copo wacu ni tielo ngo kumae, Lembe para mbe i beng’i. 22Ungo, ma sagu dit, wathkum maeno mi kum ma juwacu nyo gi ng’ic ma sagu wagi e ma maku gibed nuti be: 23man ke wathkum maeno, ma wawacu nyo gi nyaswaswa, joni e ma wayungogi dit ma sagu: man wathkumwa ma gilony hai ungo nini e ma gilony ma sagu; 24kum wathkumwa ma gilony can gin moko negogi ngo: ento Mungu ribo kum karacelo, m’emio yung ma sagu ni wathkum ma yung umbe kude; 25kara pokri kud uwok i kum; ento kara wathkum gikungri calacel man ukung wadi man ukung wadi. 26Man tek wathkum acel ubesendre, wathkum ceke gisendri karacelo gikude; kadi tek juyungo wathkum acel, wathkum ceke anyong’a negogi gikude. 27Nie wun wu kum Kristu, man wu wathkume ma tung’ tung’ kubeng’wu kubeng’wu. 28E Mungu ketho moko i kanisa, ma kwong’ane jukwenda, mir arionde jubila, mir adege ke juponji, macen ke tego mi musana, macen ke giramia mi keyo kum, man konyokony, ku bimobim, ku dhok ma tung’. 29Kagi ceke gi jukwenda? kagi ceke de gi jubila? kagi ceke gi juponji? kagi ceke de gi jutic mi musana? 30kagi ceke gi weg giramia mi kum acanga? kagi ceke giyero ku dhok ma tung’i? kagi ceke giloko lembe mi dhoki? 31Ento wuyeny k’amora giramia m’usagu.

will be added

X\