MATIE 1

1Jesu Krist lagŋɛl Abraham ɛm, lele David ɛm ab e mew. 2Abraham ec’alaw Isak e l’ew ab ɛm ec’en ec’es ɔsŋm: Jakɔb, 3Juda lele lisijimɛl ab; Perɛs lele Zera ab (Tamar el ɛl lis), Ɛsrɔm, Aram, 4Aminadab, Nasɔn, Salmɔ, 5Boas (Rahab el lis), Obɛd (Rut el lis) 6Jese, lele jim ɛb ebu David ab. Salomɔ (lis el Uri e yɔw a); 7Roboam, Abia, Asaf, 8Josafat, Joram, Osias, 9Joatam, Akas, Esekias, 10Manase, Amɔ, Josias, 11Yekonia lele lisijimɛl ab. Lɛgŋ ab ɛm anake wɛl ot Israɛl ec’ey im madu ɔkr ɛm Babilɔn wus af a. 12Ca eke wɛl ot Israɛl ec’ey im Babilɔn a, ow e jam a, ow el Salatiɛl, Sorobabɛl, 13Abiud, Eliakim, Asɔr, 14Sadɔk, Akim, Eliud, 15Eleasar, Matan, Jakɔb, 16ɛtŋ Jakɔb ew Josɛf, Mari ɛc; Mari anake ew Jesu eke wɛl b’ɛsŋ Mesi a. 17Sica k’igŋ Abraham toŋ David a, ow ij alaw sakp lɛw yar; David toŋ ke k’ok lɛgŋ ab ɛm a eke wɛl ot Israɛl ec’ey im Babilɔn wus af a, ow ij alaw sakp lɛw yar; sica aŋa toŋ ke ok Mesi e mew e lɛgŋ a, ow ij ɛmɛny alaw sakp lɛw yar. 18Kin Jesu Krist eci mew owi ec’elel eke ɛcr. Josɛf ɛsu Jesu lis Mari; gbɛkɔ gbuŋ ke -l’uwarir any a, Abŋ Lala ec’abusu ɛm, Mari anŋ nimamn. 19Ɛc Josɛf el ɛgŋ eke b’ɛlum Nyam ɛtŋ l’erurm eke li k’ɛlu ow ɔkm dedeku fɛŋ ec’any af; ow sosiɛm l’ɛgŋ l’eb eke ew ew ɛm, li k’ɛlu ow es. 20Sica eke n’am tutr low na a, Ɛs Kɔtɔkɔ ec’ afr ɛrm ɛs nyam ow mɛmn ɛm ɛŋn’n ɛtŋ dad’r ninɛ: "Josɛf, David eci lilaw, ɛrmij k’ók’ŋ eke k’oc Mari ɛsɛ ŋ e yɔw af, aŋke Abŋ Lala ec’abusu ɛm anake n’anŋ nimamn a. 21Li b’ow l’ew iy, ŋ b’ow ɛsŋ iy a Jesu, aŋke in anake li b’ow l’eb in ec’agŋ a nimum l’ɛlu es ɛl e sikpl ɛm a." 22Low na ɛy yec’ɛtŋ ke odad a eke Ɛs Kɔtɔkɔ dad kokoba ɔb ɛs ab ɛm a íy nɛny. 23Kin odad a: Dedyɔwli a eke anm igŋ ab a b’ow anŋ lokab ɛtŋ b’ow ew iy igŋ eke wɛl b’ow ɛsŋ Emanuɛl. (Nin a e nyandrɛ el: 'Nyam anŋ ɛy ab.') 24Eke Josɛf ufŋm es a, li kok ɛsɛ elel eke Ɛs Kɔtɔkɔ ec’ɛrm ɛs a dad’r ab af, ɛtŋ l’oc Mari ɛsɛ in e yɔw af. 25Gbɛkɔ n’anm ow ab toŋ batŋ Mari ew iy igŋ eke Josɛf ɛw nin Jesu.

will be added

X\