Seulaweut Agong 5

1Ulôn kujak u lampôh lôn, adoe teusayang, dara barô lôn, ulôn gumpôi mur dan reumpah-reumpah lôn; ulôn makheun uempueng unö dan meulisan lôn, ulôn jieb susu dan ié anggô lôn. Makheun dan jieb kheueh ié, hai rakan-rakan lôn, neujieb kheueh sampoe án mabök asmara. 2Ulôn teungéut, teuma até ulôn teutab meujaga. Deungoe kheueh geunaséh ulôn jikeutok pintoe. Peuhah kheueh pintoe, adoe ulôn boh até aduen, mirah pati lôn, pujaan até lôn; ulée lôn basah kareuna keunong iémbon, dan ôk lôn ka peunoh deungon titek-titek iémbon malam. 3Bajée ulôn ka lheueh ulôn sut; peu kheueh bajée nyan lôn sök lom? Gaki ulôn ka lheueh ulôn rhah, peu kheueh lôn peukuto lom? 4Meugám-gám yo até lôn kareuna geunaséh ulôn geureugam sinumpang pintoe. 5Teuma teubeudôh kheueh ulôn keuneuk peuhah pintoe keu geunaséh lôn. Mur ka tijoh nibak jaroe dan ruweueng-ruweueng jaroe lôn, sampoe ánbasah teumpat mumat bak gunci pintoe. 6Ulôn peuhah pintoe keu geunaséh lôn, teuma gobnyan ka geugisa dan geujak keulai. Ulôn lumpah that meucen ubak su gobnyan; lôn mita gobnyan, teuma sia-sia. Ulôn hôi nan gobnyan, teuma gobnyan teutab hana geuseuôt. 7Ulôn jiteumé lé ureuëng nyang teungoh meurondo dalam banda; laju ulôn jipôh lé awaknyan sampoe ulôn luka, ija seulendang lôn jicok lé awaknyan deungon paksa. 8Meujanji kheueh, hai putroe-putroe Yerusalem, meunyoe gata meurumpok deungon geunaséh ulôn, neupeugah kheueh ubak gobnyan, bahwa ulôn keunong peunyakét cinta. 9Peu kheueh geunaséh gata meuleubeh nibak geunaséh-geunaséh nyang laén, hai dara maméh nyang paleng jeulita? Peu kheueh geunaséh gata meuleubeh nibak geunaséh-geunaséh nyang laén, seuhingga droeneueh neuyue nibak kamoe meujanji? 10Geunaséh ulôn gagah dan tampan, leubeh lagak nibak ureuëng nyang siploh ribée droe. 11Ulée gobnyan lagée méuh, méuh nyang aseuli, ôk nibak ulée gobnyan patah manyang dan itam, saban lagée itam cicém gagak. 12Mata gobnyan lagée mata mirah pati nibak mata ié, cicém mirah pati nyang manou deungon ié susu, teuduek dibinéh kulam. 13Mieng gobnyan lagée lampôh reumpah nyang paleng mangat bhée, bibi gobnyan lagée bungöng bakong nyang ro meutrab-trab mur aseuli. 14Jaroe gobnyan gagah, meu euncien méuh deungon peumata, tuboh gobnyan lagée batée gadeng nyang meutatah batée nilam. 15Gaki gobnyan lagée taméh-taméh marmer nyang putéh, deungon sandi méuh nyang murni. Potrom badan gobnyan lagak lagée gunong geumunong nyang na di Libanon, dan anggon jih sa lagée bak kayée aras. 16Lumpah that maméh tutoe haba gobnyan, peue mantong nyang na nibak gobnyan sangat meunarek. Meunan kheueh geunaséh dan sahabat ulôn, hai putroe-putroe Yerusalem!

will be added

X\