Zabur 128

1Lagu ziarah. Mubahgia kheueh ureuëng nyang taqwa dan udeb meunurot peurintah Po teu Allah. 2Gata tamakheun nibak hase nyang gata keureuja, udeb makmu dan seujahteura. 3Peurumoh gata lagée bak anggô nyang subô didalam rumoh gata. Aneuëk-aneuëk gata lagée tarôk bak zaiton di seukeulileng meuja gata. 4Meunan kheueh TUHAN geubri beureukat keu ureuëng nyang taqwa. 5Seumoga di Sion TUHAN geubri beureukat u ateueh gata. Seumoga gata takalon Yerusalem nyang makmu sipanyang udeb gata! 6Seumoga gata panyang umu, dan neukalon aneuëk cucoe gata! Seumoga umat Droeneueh seujahteura!

will be added

X\